വസന്തം പോയതറിയാതെ -10 [ദാസൻ] 697

ഞാൻ അപ്പോൾ തന്നെ ദ്വേഷ്യത്തോടെ പറഞ്ഞു.

“ഇതിനാണോ വല്യമ്മ ഫോൺ ചെയ്തു വിളിച്ചു വരുത്തിയത് ”

ഇതും പറഞ്ഞു വെട്ടിതിരിഞ്ഞു മുറിയിലേക്ക് പോയ ഞാൻ വാതിൽ വലിയ ശബ്ദത്തോടെ അടച്ചു. എന്നിട്ടും കലി അടങ്ങാതെ അവിടെയുണ്ടായിരുന്ന കണ്ടതൊക്കെ എടുത്തേറിഞ്ഞു. പിന്നീട് ബെഡിൽ മുഖം പൂഴ്ത്തി കിടന്നു. ഇതിനിടയിൽ വല്യമ്മ വാതിലിൽ മുട്ടി വിളിക്കുന്നുണ്ടായിരുന്നു. പ്രതികരിക്കാതെ അങ്ങിനെ കിടന്നു എപ്പോഴോ കണ്ണുകൾ അടഞ്ഞു. അച്ചു വന്ന വാതിലിൽ മുട്ടുവിളിക്കുമ്പോഴാണ് പിന്നെ എഴുന്നേൽക്കുന്നത്. അച്ചു

” എനിക്ക് കുറച്ച് ഹോംവർക്കുണ്ട് ഒന്ന് പറഞ്ഞു തരാമോ? ”

പെട്ടെന്ന് ദേഷ്യം വന്നുവെങ്കിലും അച്ചുവിന്റെ മുഖത്തേക്ക് നോക്കിയപ്പോൾ അതൊക്കെ മാറി.

” മോൻ വാ ഞാൻ പറഞ്ഞു തരാം ”

ഞങ്ങൾ രണ്ടുപേരും മുകളിലത്തെ നിലയിലേക്ക് പോയി അവന്റെ മുറിയിലിരുന്ന് ഹോംവർക്കിൽ സഹായിച്ചുകഴിഞ്ഞ് ഞങ്ങൾ താഴേക്ക് ഇറങ്ങി വരുമ്പോൾ രണ്ടുപേരും വന്നിട്ട് കുറച്ചുനേരം ആയെന്നു തോന്നുന്നു. അമ്മയോട് യാത്ര പറഞ്ഞു ഇറങ്ങാൻ നേരമാണ് ഞങ്ങൾ താഴേക്ക് ചെല്ലുന്നത്. ഞാനാണ് ആദ്യം ഇറങ്ങിയത് അച്ചു, ബുക്കുകൾ ഒക്കെ അടുക്കി വയ്ക്കുകയായിരുന്നു. അച്ഛൻ പോയി കുറച്ചു കഴിഞ്ഞപ്പോൾ ഞാൻ വലിയച്ഛന്റെ അടുത്ത് ചെന്നപ്പോൾ

” ഇല്ല മോളെ ഞാൻ കുടിച്ചിട്ടില്ല ഇനി, കുടിക്കുകയുമില്ല. സമാധാനമായല്ലോ ഇല്ലേ ”

” അല്ല വാങ്ങിത്തരാമെന്ന് പറഞ്ഞാലോ വിളിച്ചു കൊണ്ടു പോയത് അതുകൊണ്ട്, ഒരു സംശയം “