വസന്തം പോയതറിയാതെ -10 [ദാസൻ] 697

” എന്നിട്ട് ആ ഫോട്ടോയും നെഗറ്റീവ് എവിടെ? ”

” ഞാൻ അതൊക്കെ നശിപ്പിച്ചു കളഞ്ഞു. വാ ചേട്ടാ പോകാം ”

ഞങ്ങൾ എഴുന്നേറ്റ് വഴിയിൽ എത്തിയപ്പോൾ അതുവഴി വന്ന ഓട്ടോയ്ക്ക് ഞാൻ കൈ കാണിച്ചു. അപ്പോൾ ചേട്ടൻ

” എന്തിനാണ് ഓട്ടോ നമ്മൾ നടന്നല്ലേ വന്നത് ”

” ചേട്ടന് ബാറിൽ പോകണ്ടേ. ഒരെണ്ണം ഞാൻ വാങ്ങിത്തരാം എന്ന് പറഞ്ഞതല്ലേ ”

” അതൊന്നും വേണ്ടടാ. ഞാനെന്റെ ടെൻഷൻ കൊണ്ടാണ് ഇങ്ങനെ കുടിയനായി മാറിയത്. ഇപ്പോൾ അതൊക്കെ മാറിയില്ലേ, ഇനി അതില്ലാതെ ഞാൻ ജീവിക്കും ”

ഞാൻ ചോദിച്ചു

” പ്രോമിസ്? ”

” അതെ ”

ഓട്ടോക്കാരനെ പറഞ്ഞയച്ചു ഞങ്ങൾ തിരിച്ച് വീട്ടിലേക്ക് നടന്നു. നേരം ഇരുട്ടി തുടങ്ങിയിരുന്നു പോകുന്ന വഴി ചേട്ടൻ കുറെ തമാശകൾ പറഞ്ഞു, ചിരിച്ചാണ് ഞങ്ങൾ വീട്ടിലേക്ക് കയറി ചെല്ലുന്നത്. ഞങ്ങൾ ഹാളിലേക്ക് കയറുമ്പോൾ ഏട്ടത്തിയും അമ്മയും അച്ഛനും നല്ല ടെൻഷനിൽ ഞങ്ങളെ നോക്കി ഇരിക്കുകയാണ്. ഞങ്ങൾ കയറിച്ചെന്ന് പാടെ ചേട്ടന്റെ അടുത്തേക്ക് എത്തി മണം പിടിച്ചു.അപ്പോൾ ചേട്ടൻ

” ഇല്ല ഞാൻ കുടിച്ചിട്ടില്ല. ഇനി ഒട്ടു കുടിക്കുന്നുമില്ല ”

വിശ്വാസം വരാതെ ഏട്ടത്തി എന്റെ മുഖത്തേക്ക് നോക്കി. ഞാനൊരു കള്ള ചിരി ചിരിച്ചു. ഞാൻ ചേട്ടനോട്