രാവണന്റെ ജാനകി 4

Author : വിക്രമാദിത്യൻ

കറുപ്പൻ  കാളിങ്….

തുടരുന്നു……………..

അപ്പോഴേക്കും അവൻ അത് കുടിച്ചുകഴിഞ്ഞിരുന്നു…, അവൻ ഫോൺ വാങ്ങി  ചെവിയോട്  ചേർത്ത്…

(തമിഴ് സംഭാഷണം മലയാളത്തിൽ ആക്കുകയാണ് )

രുദ്രൻ : ഡേയ്… കറുപ്പ  വീര  എവിടെ…

ആ വീര  അതെ 4 എണ്ണം.. മുത്തുവിനെയും കൂടി.. പൈസ വല്ലതും കിട്ടുവാണെങ്കിൽ… പിന്നെ പെരുമാളിന്റെ കശുമാങ്ങ വാട്ടിയതും.. വാങ്ങിച്ചോ ബാക്കി കണക്കെല്ലാം ഞാൻ നോക്കിക്കൊള്ളാം….പിന്നെ ഭാർഗ്ഗവിയമ്മ ഒരു കവർ തരും അതും ഇങ്ങു കൊണ്ടുപോരെ…

അത്രെയും പറഞ്ഞതിന് ശേഷം അവൻ ഫോൺ കട്ട് ചെയ്തു….

എന്നിട്ട് ജാനുവിനു  നേരെ തിരിഞ്ഞു….

ജാനു എനിക്ക് ഇവിടെ ഒന്നും പരിചയം ഇല്ല  എനിക്ക്  ഒന്നു പുറത്തു പോകണം നീയും വാ.. എന്നിട്ട് അമ്മയെ ഒന്നു നോക്കി.. അമ്മ സമ്മതഭാവത്തിൽ തലയാട്ടി..

അച്ഛൻ എന്തോ ഓർത്തെന്ന പോലെ പറഞ്ഞു എടാ ഞാൻ കാർ എടുക്കും നിങ്ങൾ സ്കൂട്ടറിന് പൊക്കോ..

ജാനുവിന്  അതിഷ്ട്ടപെട്ടില്ലെങ്കിലും അവൾ മറുത്തൊന്നും പറഞ്ഞില്ല…

എന്നാൽ ജാനു പോയി റെഡി ആയിക്കോ നമക്കിറങ്ങാം… എന്തൊക്കെയോ പിറുപിറുത്തുകൊണ്ട്  അവൾ അകത്തേക്ക് കയറി പോയി അവൻ ആ പോക്ക് കണ്ട് ചിരിച്ചു……..

(ജാനു )..ഓരോന്നാലോചിച്ചു പോയി റെഡിയായി വന്നപ്പോൾ … അവൻ ഒരു കറുത്ത ജീൻസും നീല ഷർട്ടും  ആണ് ഇട്ടിരിക്കുന്നത്……

അവൾ പോയി വണ്ടി എടുത്തു അവനോട് കയറാൻ പറഞ്ഞു…

രുദ്രൻ :  ആദ്യം എനിക്ക്  ഒന്നു  താടിയും മുടിയും വെട്ടണം അങ്ങനെ  എവിടെയെങ്കിലും പോകാം അല്ലെങ്കിൽ  ഭായ് നാളെ വഴക്ക് പറയും ….

ജാനു : ഏത് ഭായ്…