മാൻമിഴി അഴകുള്ളവൾ മീര ??[?????] 185

ഞാൻ ചിരിച്ചോണ്ട് ചേട്ടനോട് പറഞ്ഞു.

 

“എന്ത് ചെയ്യാനാ ഹരി അവളോട്‌ പറഞ്ഞിട്ട് കാര്യം ഇല്ല…. ഞാൻ പറഞ്ഞതാ വേറെ ഏതേലും കോഴ്സ് എടുത്ത് പഠിക്കാൻ… അവള്ടെ അമ്മയുണ്ടായിരുന്നേൽ ഇതിനൊന്നിനും സമ്മതിക്കില്ലായിരുന്നു ”

ചേട്ടൻ ചെറിയ വെഷമത്തോടെ പറഞ്ഞു.

 

ഞാനും പുള്ളിയും തമ്മിൽ നല്ല കമ്പനി ആഹ്ണ്. വന്ന അന്ന് തൊട്ട് ഇന്ന് വരെ എനിക്ക് സുഹൃത്തുക്കൾ എന്ന് പറയാൻ ഉണ്ടായിരുന്നതിൽ ഒരാളാണ് പാക്കരൻ ചേട്ടൻ. പുള്ളിക്കാരന് രണ്ട് പെണ്മക്കളാണ്. മൂത്ത ആൾ ശിശിര ഇതേ കോളേജിൽ തേർഡ് ഇയർ പഠിക്കുന്നു. രണ്ടാമത്തെ ആൾ ശിവാനിയെക്കുറിച്ചാണ് ചേട്ടൻ ഇപ്പൊ പറഞ്ഞത്.നാല് വർഷം മുമ്പായിരുന്നു ചേട്ടന്റെ ഭാര്യ ക്യാൻസർ ബാധിച്ച് മരണപെട്ടത്. എന്നിരുന്നിട്ടും ചേട്ടൻ അവരെ ഒരു കുറവും ഇല്ലാതെ നോക്കി.

അവരും അതേ പോലെ നല്ല പഠിക്കുന്ന കൂട്ടത്തിൽ ആഹ്ണ്. ശിവാനി ക്ലാസ്സ്‌ ടോപ്പർ ഒക്കെയാണ്. ഞാൻ വെറുതെ കിട്ടുന്ന സമയം ചേട്ടനെ ഇളക്കാൻ ഓരോന്ന് പറയും…..

 

“ഓഹ്…. എന്റെ ചേട്ടാ ഞാൻ വെറുതെ പറഞ്ഞതല്ലേ അപ്പോഴേക്കും തൊടങ്ങി…..ചേട്ടന്റെ മക്കള് ക്ലാസ്സിൽ ഫസ്റ്റ് ആഹ്ണെന്ന് ചേട്ടന് അറിയാവുന്ന കാര്യം അല്ലെ… പിന്നെ എന്നാത്തിനാ ഇങ്ങനെ സങ്കടപെടണേ ”

ചേട്ടന്റെ പോക്ക് ശരിയല്ല എന്ന് കണ്ട് ഞാൻ പറഞ്ഞു.

 

 

“പിള്ളേർടെ കാര്യം ഓർക്കുമ്പോ അവളേം ഓർമ്മ വരും…. അതോണ്ടാ ഞാൻ….”

പാക്കരൻ ചേട്ടൻ ഇപ്പോഴും സെന്റിയിൽ ആഹ്ണ്.

 

 

“ഹാ…. ചേട്ടൻ അതൊക്കെ വിട്ടേ… പിന്നെ ചേട്ടനെന്തേലും ആവശ്യം വന്നാൽ എന്നോട് ചോയ്ക്കാൻ മടിക്കണ്ടാട്ടോ ”

 

 

ഞാൻ ചേട്ടനെ നോക്കി രംഗം ഒന്ന് തണുപ്പിക്കാനായി പറഞ്ഞു.

 

 

“”അതെനിക്കറിയില്ലേടാ ഹരി……. നീ എന്റെ മോനെ പോലെ അല്ലെ!!””

ചേട്ടൻ എന്നെ നോക്കി ചിരിയോടെ പറഞ്ഞു.ഇടക്ക് ഞാനാണ് ശിവാനീടേം ശിശിരേന്റേം ഫീസ് ഒക്കെ അടക്കുന്നത്.

 

ഞാനും ചേട്ടനൊരു പുഞ്ചിരി സമ്മാനിച്ചുകൊണ്ട് രതീഷിനെ മുഴുവനായും അകത്താക്കി.

 

 

അങ്ങനെ ഞാൻ ലൈമും രതീഷും ആയി പോരാടി കൊണ്ടിരിക്കുമ്പോൾ ആഹ്ണ്…. മീനും അവള്ടെ കൂട്ടുകാരികളും അങ്ങോട്ട് വരുന്നത് കണ്ടത്….. ഞാൻ അവരെ കണ്ടതും അവടന്നു സ്ഥലം കാലിയാക്കാൻ എണീറ്റു …..അവളെങ്ങാനും ക്ലാസ്സും കട്ട്‌ ചെയ്ത് ഞാൻ വെലസി നടക്കണ കണ്ടാൽ പിന്നെ രാത്രി ഞാൻ ഒറ്റക്ക് കെടക്കണ്ട വരും… അതോണ്ട് ഞാൻ അവടെന്ന് വലിയാൻ തീരുമാനിച്ചു…എന്നാൽ മീനുവിന്റെ മുഖത്തേക്ക് നോക്കിയ ഞാൻ ഒരു നിമിഷം നിർവികാരനായി. കരഞ്ഞു കലങ്ങിയ നീലകണ്ണുകളും….തിണർത് കിടക്കുന്ന കവിളുകളും…. അതിൽ കൈ പത്തിയുടെ അടയാളം തെളിഞ്ഞു കാണാം….