മാൻമിഴി അഴകുള്ളവൾ മീര ??[?????] 185

ഞാൻ പതിയെ കണ്ണും തിരുമ്മി എണീറ്റ് നിന്നു. കാല് ശെരിക്കും അങ്ങോട്ട് ഉറക്കുന്നില്ല… ഒറ്റ ഇരുപ്പിന് 3 കുപ്പി ബിയർ ആഹ്ണേ തീർത്തത്.തലക്കെന്തോ ഒരു കനം പോലെ…..കൈ കൊണ്ടൊന്നു മെല്ലെ തൊട്ടുനോക്കി… ഒരു കെട്ടൊക്കെ കാണുന്നുണ്ട്… ഹാ മറ്റവൻ ഇന്നലെ തേമ്പിയതാണ്….മേലാകെ ഒരു തരിപ്പും ഒരു മണവും, പിന്നെ വർക്ക്ഔട്ട്‌ ചെയ്യാത്തതിന്റെ വേദനയും…

 

ഒന്ന് ശ്വാസം നേരെ വലിച് വിട്ട്….30 പുഷ് അപ്പ്‌ അങ്ങെടുത്തു.ഇപ്പൊ ഒരു സുഖമൊക്കെ തോന്നുന്നിണ്ട്, എന്നാലും മുഷിച്ചിൽ.

 

നേരെ പോയി കണ്ണാടി നോക്കിയപ്പോൾ ഞാൻ തന്നെ പേടിച് പോയി. താടിയും മുടിയും ഒക്കെ വളർന്ന് ഒരു സന്യാസി ലുക്ക്‌.ഈ കോപ്പാദ്യം വെട്ടി കാട്ടി കളയണം.

ഇപ്പൊ അതിന് സമയം ഇല്ല, പിന്നെ തലേലാണേൽ ആഹ് കെട്ടും ഇണ്ട് അതോണ്ട് നേരെ , ബാത്‌റൂമിൽ കേറി പല്ല് തേച് ഫ്രഷ് ആയി ഇറങ്ങി.

 

കിച്ചണിലോട്ട് ഓരോ ചുവടും വച്ചത് പേടിച്ചായിരുന്നു. കാരണം, ഈ ഹരി ആർടേലും മുന്നിൽ ഭയന്നിട്ടുണ്ടേൽ അതെന്റെ മീനുന്റെ മുന്നിൽ മാത്രമാണ്.

 

കിച്ചണിൽ എത്തിയപ്പോ അവൾ പുറംതിരിഞ്ഞു അടുക്കള പണിയിലായിരുന്നു.ഒരു നീല കളർ നൈറ്റി ആയിരുന്നു അവള്ടെ വേഷം.നിതംബം വരെ നീണ്ട് നിവർന്നു കിടക്കുന്ന ഇടതൂർന്ന മുടി, അവൾ ചെയ്യുന്ന ജോലികനുസരിച് ആടികളിക്കുന്ന കാണാൻ നല്ല രസമാണ്.ഞാൻ ആഹ് പിന്നഴകും ആസ്വദിച്ചങ്ങനെ ഒരുനിമിഷം നിന്നു പോയി.

 

“മീനൂ……..”

സ്വബോധം തിരിച്ചെടുത്ത് ഞാൻ വിളിച്ചു.

 

എവടെ ഒരനക്കവും ഇല്ല.

“എടീ മീനു ഇങ്ങോട്ട് നോക്കെടി…..”

 

ഞാൻ ഒന്നുടെ വിളിച്ചു. വീണ്ടും അതേ നിപ്പ് തന്നെ.ഇന്നലെത്തെ പിണക്കം ഇതുവരെ മാറിയില്ലേ എന്റെ കർത്താവെ…ഇനി ഒറ്റവഴിയേ ഉള്ളു. ഹരിയുടെ പത്തൊമ്പതാമത്തെ അടവ്… നേരെ ചെന്നവളെ പുറകിലൂടെ പൂണ്ടടക്കം കെട്ടിപിടിച്ചു.

 

“എടീ എന്നോടൊന്ന് മിണ്ടെടി ഇല്ലേൽ ഞാനും പിണങ്ങും ട്ടോ…… ”

ഇവളെ സോപ്പിടണേൽ കൊറച് സെന്റി ആവണം. അതോണ്ടാണ് ഞാൻ ഇപ്പൊ

ഇവടെ കെടന്ന് ഇങ്ങനെ ഒക്കെ കാട്ടണെ.

 

“വേണ്ട.എന്നെ ആരും തൊടണ്ട പോ…….”

അവൾ എന്നെ ദേഹത്തുനിന്ന് തള്ളി മാറ്റി കൊണ്ട് പറഞ്ഞു.

 

“എന്താ മീനൂട്ടി നിന്റെ പ്രശ്നം…..?

ഞാൻ കെറുവിച്ചോണ്ട് ചോദിച്ചു.

 

 

“പ്രശ്നം ഒന്നും അറിയില്ലാല്ലേ മോന്… ഇന്നലെ എന്തൊക്കെയാ കാട്ടി കൂട്ടിയെ…. എന്തെങ്കിലും പറ്റിയിരുന്നെങ്കിലോ…. ”

അവൾ പരിഭവ കെട്ടഴിക്കാൻ പോവാന്ന് എനിക്ക് മനസ്സിലായി .