മാഡ് മാഡം [vishnu] 366

“നിനക്ക് അറിയില്ല അല്ലെടാ…ഒരു പാവം..അന്നത്തെ നിൻ്റെ കോപ്രായത്തിനു പണി പോകേണ്ടത് ആരുന്നു… മാഡം ആയതുകൊണ്ട് നീ രക്ഷപെട്ടു…”

 

സഞ്ജന മാഡം വന്നതിൻ്റെ ആദ്യ ആഴ്ച തന്നെ ഒരു പ്രസൻ്റേഷൻ ഉണ്ടാരുന്നു ക്ലയിൻ്റിൻ്റെ കൂടെ….. എനിക്കാരുന്നു അന്ന് അതിൻ്റെ ചുമതല….

 

അന്ന് എല്ലരുടെം മുന്നിൽ വെച്ച് പ്രസൻ്റേഷൻ നടത്തുമ്പോൾ ചെറുതായിട്ട് നോമിൻ്റെ ലാപ് ഓഫ് ആയി….. എത്ര നോക്കിയിട്ടും ഓൺ ആയില്ല…അല്ലെങ്കിൽ തന്നെ ഞാൻ ഈ പോളിടെക്നിക് ഒന്നും പഠിക്കാത്തതു കൊണ്ട് യന്ത്രങ്ങളുടെ പ്രവർത്തനം ഒന്നും അറിയില്ല….. ഇതു അടിച്ചു പോയി ഗയുസ് എന്ന അവസ്ഥയിൽ നാണം കേട്ടു നിന്നതല്ലതെ ഒന്നും ചെയ്യാൻ പറ്റിയില്ല അന്ന്…..

വേറേ കോപ്പി ഒന്നും ഞാൻ എടുത്തു വെച്ചിട്ടും ഇല്ലാരുന്നു….

 

അങ്ങനെ ആ പ്രോജക്ട് കതം ഹോഗയ… ഫസ്റ്റ് പ്രോജക്ട് തന്നെ സൂപ്പർ ആക്കിയത്തിൻ്റെ നന്ദി ആരിക്കും മാഡത്തിന് എന്നോട്…….

 

 

 

“ഞങ്ങളോടൊന്നും മാഡത്തിനു ഒരു കുഴപ്പവുമില്ല., നിന്നോട് മാത്രമേ കലിപ്പ്”

 

“ഓ പിന്നെ നിന്നെയോക്കെ അവള് പിടിച്ചു മടിയിലിരുത്തി താരാട്ട് പാടുവല്ലെ… ഒന്നു പോയെടാ”..ഇത് അതൊന്നും അല്ല അസൂയ…ഞാൻ അവളെക്കാളും മിടുക്കൻ ആയതു കൊണ്ട്…”

 

“അത് ശരിയാ മാഡത്തിനു നിന്നോട് അസൂയ തോന്നാൻ നീ ഇലോൺ മസ്ക് ആണല്ലോ…..അല്ല ഇനി നിൻ്റെ അച്ഛൻ ബിൽഗേറ്റ്‌സ് ആയതു കൊണ്ടാണോ അസൂയ…”

 

അതിനു പെട്ടന്ന് തിരിച്ചു ഒരു മറു കൗണ്ടർ കിട്ടാത്തത് കൊണ്ട് ഞാൻ എണീറ്റു ക്യാബിനിലേക്ക് പോയി…. എൻ്റെ പിന്നാലെ അവനും വന്നു…..ക്യാബിൻ എന്ന് പറഞ്ഞാല് ഒരു ക്യാബിനിൽ നാലു സിസ്റ്റ്റം വെച്ചിരിക്കുന്നു എല്ലാവരും ടീം ആയി ഡിസ്കസ് ചെയ്തു വർക് ചെയ്യുമ്പോൾ അത് പെർഫെക്റ്റ് ആകും അതാണ് കൺസെപ്റ്റ്…..

 

തേങ്ങാകൊലയാണ് ഇവനെ പോലുള്ള കോഴികൾക്ക് പഞ്ചാര അടിക്കാൻ കമ്പനി തന്നെ സൗകര്യം ഒരുക്കുന്നു……

 

എന്നാലും ഇത് ഒരു മാതിരി മറ്റെടെതെ കൺസെപ്റ്റ് ആയി പോയി….ഇല്ലാരുന്നേൽ ഇവൻ്റെയൊക്കെ ദൃഷ്ടി

പതിക്കാതെ സമാധാനമായി ഇരിക്കാമാരുന്നു…

 

ഞാൻ എൻ്റെ സീറ്റിൽ ഇരുന്നു അപ്പോ തന്നെ ബാക്കി മൂന്നും എന്തോ അടക്കം പറഞ്ഞു ചിരിക്കാൻ തുടങ്ങി…