മഹാനദി 6 (ജ്വാല ) 1385

ഇനി ഫോട്ടോ ഷൂട്ട് ആണ്, ഓഡിറ്റോറിയത്തിന് അടുത്തുള്ള പഴയ തറവാട്ടിലേക്കാണ് ഫോട്ടോഗ്രാഫർ കൊണ്ട് പോയത്, പഴമയുടെ മനോഹാരിത, തടി കൊണ്ട് ഒരുക്കിയ നാലുകെട്ട്, പലതരം ചിത്രപ്പണികൾ വീടിനെ കൂടുതൽ മനോഹരമാക്കി,

ഒരു വലിയ കൊത്തുപണികൾ ചെയ്ത കൃഷ്ണ ശില്പത്തിന്റെ അരികിൽ നിന്നൊരു ഷോട്ട് എടുക്കണം എന്ന് ഫോട്ടോഗ്രാഫർ പറഞ്ഞത് ഞാൻ അതിന്റ അടുത്തേയ്ക്ക് നീങ്ങി നിന്നു.

അപ്പോഴാണ് ഫോട്ടോഗ്രാഫറിന്റെ സഹായി കൈയിരുന്ന ലൈറ്റ് താഴേക്ക് വച്ചിട്ട് വീടിന്റെ സൈഡിൽ കിടന്ന രണ്ട് ഇഷ്ടികയുമായി വന്നത്,

ഇത് എന്തിനാ എന്ന് ചോദിക്കാൻ തുനിയും മുൻപ് സഹായി ആ ഇഷ്ടിക കൊത്തുപണി ചെയ്ത കൃഷ്ണ ശില്പത്തിന് സമീപം ഇട്ട് അവളെ ക്ഷണിച്ചത് ഒരു ഞെട്ടലോടെ ഞാൻ കണ്ടു അവൾ ആ ഇഷ്ടികയുടെ മുകളിലേക്ക് കയറി നിൽക്കുന്നതും അതിനു ശേഷം എന്നെ അയാൾ വിളിച്ചത്….

എന്റെ മുഖം വല്ലാതെ ഇരിക്കുന്നത് കണ്ടു കൊണ്ടാകാം ഫോട്ടോഗ്രാഫർ പറഞ്ഞത്,

” അതേ, സാറിന്റെ ഭാര്യയ്ക്ക് ഒപ്പം നീളമില്ല അതൊന്ന് അഡ്ജസ്റ് ചെയ്യാനാണ് ഈ ഇഷ്ടിക.

എന്റെ അഭിമാനത്തിന് മുകളിൽ ആരോ ആണിയടിച്ചത് പോലെ,
അതേ, അവൾ നടന്നു വന്നപ്പോൾ എനിക്ക് തോന്നിയത് അതായിരുന്നു ആ മാറ്റം,
പക്ഷെ ആരോട് പറയും? ഞാൻ നിസ്സഹായനാണ്, ചുറ്റും നോക്കി അവളെ വച്ച് അടുത്ത ഫോട്ടോയ്ക്കുള്ള പോസ് ചെയ്യാൻ തുടങ്ങിയിരുന്നു..

അന്ന് നീളം നോക്കിയപ്പോൾ എന്റെ ഒപ്പം തന്നെ ഉണ്ടായിരുന്നല്ലോ? ഇപ്പോൾ ഇത് എന്ത് പറ്റി?

” നിന്നെ നൈസായി പറ്റിച്ച് മോനേ ”

മനസാക്ഷി എന്ന് പറയുന്ന തീരെ മനസാക്ഷി ഇല്ലാത്തവൻ ഉള്ളിൽ ഒരു കോണിൽ ഇരുന്ന് പിറുപിറുക്കുന്നു…..