മഹാനദി 6 (ജ്വാല ) 1385

പക്ഷേ ആദ്യരാത്രിയുടെ ഉത്കണ്ഠ വരന്റെയും വധുവിന്റെയും സ്വകാര്യമാണ് .
ആരും അതിനെക്കുറിച്ച് വിശദവും യഥാർഥവുമായ ഉപദേശം നൽകാനുണ്ടാവില്ല. അതിനെക്കുറിച്ച് ചോദിക്കാൻ നാണിക്കും ; പറയാനും. കളിയാക്കലും പൊട്ടിച്ചിരിയും മാത്രം അവശേഷിക്കും.

വടക്കു നോക്കി യന്ത്രത്തിലെ ശ്രീനിവാസനെ പോലെ ഞാൻ അവളുടെ വരവിനായി കാത്തിരുന്നു…

ഏറെ വൈകാതെ സ്നേഹ പ്രത്യക്ഷപ്പെട്ടു, ഒരു കൈയ്യിൽ പാലും,ഒരു താലത്തിൽ കുറച്ചു ഫ്രൂട്ട്സുമായി മന്ദം, മന്ദം വാതിൽ തുറന്ന് അകത്തേയ്ക്ക് പ്രവേശിച്ചു.

അഞ്ചു നാൾ കൊണ്ടുള്ള കല്യാണം ആണ്, ഒറ്റയ്ക്ക് സംസാരിക്കുന്നത് തന്നെ ഇപ്പോൾ ആണ്, ഒരു പരിഭ്രമം മനസ്സിൽ ഉണ്ടെങ്കിലും ധൈര്യം സംഭരിച്ച് ഞാനും എഴുന്നേറ്റു, അവളുടെ കൈകളിൽ നിന്ന് ഫ്രൂട്ട്സിന്റെ താലം വാങ്ങി മേശപ്പുറത്ത് വച്ചു.

ഞാൻ അവളുടെ മുഖത്തേയ്ക്ക് നോക്കി ചുണ്ടുകളുടെ മുകളിൽ വിയർപ്പ് പൊടിഞ്ഞിട്ടുണ്ട്, അവൾ കണ്ണുകൾ ഉയർത്താതെ പാൽ എന്റെ നേരെ നീട്ടി, ഞാൻ പാൽ വാങ്ങി മേശപ്പുറത്ത് വച്ചിട്ട് അവളുടെ കൈപിടിച്ച് കട്ടിലിൽ കൊണ്ടിരുത്തി.
എന്നിട്ട് മെല്ലെ ചോദിച്ചു

” സ്നേഹയ്ക്ക് എന്നെ ഇഷ്ടമല്ലായിരുന്നോ…?

” അതെന്താ ഏട്ടാ അങ്ങനെ ചോദിച്ചത്….?

” അല്ല, ഇതുവരെ ആയിട്ടും സ്നേഹ സന്തോഷത്തോടെ എന്നോട് സംസാരിച്ചു കണ്ടില്ല..

” ഏട്ടാ, നമ്മൾ തമ്മിൽ ആദ്യമായിട്ടല്ലേ ഒറ്റയ്ക്ക് കണ്ടുമുട്ടുന്നത്, എന്താണ് പറയേണ്ടത് എന്നറിയാത്ത ഒരു സ്റ്റാർട്ടിങ് ട്രബിൾ, അത്രേയുള്ളൂ….

ഞാൻ പുഞ്ചിരിച്ചു, എന്നിട്ട് പറഞ്ഞു,

” ഞാൻ ഒരു കാട്ടാളൻ ഒന്നുമല്ല, എന്തും എന്നോട് പറയാൻ തനിക്ക് എപ്പോഴും സ്വാതന്ത്ര്യം ഉണ്ട്, എന്നാൽ നമുക്ക് പാൽ കുടിച്ചു കൊണ്ട് ജീവിതം ആരംഭിക്കാം,