മഞ്ഞു പെയ്യും പോലെ || [നൗഫു] 3852

നൂറ് ഏകറോളം പറന്നു കിടക്കുന്ന ഒരു തോട്ടത്തിന് അടുത്താണ് അവർ വന്ന ടാക്സി വന്നു നിന്നത്..

ഗെറ്റ് തുറന്നു അകത്തേക്കു കയറി…

അവിടുന്നു പിന്നെയും അഞ്ഞൂറ് മീറ്റർ ഉള്ളിലേക്കു പോയപ്പോൾ ഒരു നാലുകെട്ടു പോലെയുള്ള കെട്ടിടം കണ്ടു..

വലിയൊരു വീട് ആയിരുന്നു അത്..

“ടാ.. ഇതാണ് വീട്.. ഇതിന് പുറകിലായുള്ള അൻപത് ഏക്കർ റബ്ബർ വെട്ടുന്നത് നോക്കി നടത്തണം.. പിന്നെ കുറെ കവുങ്ങും.. പറങ്കിമാവുമുണ്ട്… അതെല്ലാം വിളവെടുപ്പ് നോക്കണം.. ഇടവിളയായി കുറച്ചു  പച്ചക്കറിയോ മറ്റോ ഉണ്ട്… പിന്നെ ഈ സ്ഥലത്തിന്റെ അതിരിലായി ഒരു ഹോസ്പിറ്റലുണ്ട്.. ചെറിയ ഹോസ്പിറ്റലാണ്.. അവിടേക്കു വേണ്ട സഹായങ്ങളും ചെയ്തു കൊടുക്കണം… ഇതാണ് നിന്റെ പണി.. മാസം ഒരു അമ്പതിനായിരം രൂപ ശമ്പളം കിട്ടും.. പിന്നെ ഈ റബ്ബറും, അടക്കയും.. മറ്റു സാധനങ്ങളും വിൽക്കുമ്പോൾ കിട്ടുന്ന പൈസയിൽ നിന്ന് കുറച്ചു കമ്മീഷനായും കിട്ടും… എന്ത് പറയുന്നു..”

അവിടുത്തെ ജോലി പറഞ്ഞു കൊടുത്തു.. അവന് സമ്മതമാണോ എന്നറിയാനായി റഹീമിനെ നോക്കി സുക്കൂർ  ചോദിച്ചു…