മംഗല്യ പന്തലിൽ ??? [നൗഫു] 4635

ആയിടയിലാണ് അമ്മു എന്ന പുതിയ ഒരു കൂട്ടുകാരിയെ എനിക്ക് കിട്ടിയത്..

അവളാണ് എന്നെ ജോയുമായി അടിപ്പിച്ചത്…

ആദ്യമൊന്നും അടുക്കാൻ കൂട്ടാക്കാതിരുന്ന എന്നെ പ്രണയത്തിന്റെ മാസ്മരിക വലയത്തിലേക് അവൾ പതിയെ കൊണ്ട് വന്നു…

—-(@)—-(@)—-(@)—-(@)—-(@)—-

“ മോളെ ഇവരെ അറിയില്ലേ.. കൊല്ലത്തുള്ള അമ്മയുടെ പാപ്പന്റെ മകൾ… ഇങ്ങനെ ഒരു അവസരം വേണ്ടി വന്നു ഇവരെയെല്ലാം ഒന്ന് കാണാൻ… അല്ലേടി…”
അമ്മ അവരോടായി പറഞ്ഞു..

അതൊന്നും കേൾക്കാനുള്ള മാനസികാവസ്ഥയിലായിരുന്നില്ല ഞാൻ ..

എന്റെയുള്ളിൽ നീറിപ്പുകയുന്ന തീ ശരീരം മുഴുവൻ കത്തിച്ചാമ്പലാക്കാൻ പോന്നതായിരുന്നു…

എന്റെ ജോ… അവനിപ്പോ എന്ത് മാത്രം ടെൻഷൻ അനുഭവിക്കുന്നുണ്ടാകും…

അവനെന്നെ കൊണ്ട് പോകുവാൻ വരില്ലേ ദേവി…

“മോളിങ്ങോട്ടൊന്നു വന്നേ..”
അടിയിൽ നിന്നും അച്ഛൻ മുകളിലേക്ക് നോക്കിയെന്നെ വിളിച്ചു..

ബന്ധുക്കളുടെ ഇടയിൽ നിന്നും യാന്ത്രികമെന്നോണം പടിക്കെട്ടുകൾ ഇറങ്ങി താഴെയുള്ള ഹാളിലേക്ക് ഞാന്‍ നടന്നു…

അവിടെയും ബന്ധുക്കളും സുഹൃത്തുക്കളും അയൽവാസികളും നിറഞ്ഞിട്ടുണ്ട്..

അവരെയെല്ലാം അച്ഛന്റെ കയ്യിൽ ഒതുങ്ങിക്കൊണ്ട് തന്നെ ഞാൻ പരിചയപെട്ടു…

അതിനിടയിൽ എന്റെ കൂട്ടുകാരികൾ ഓടിവന്ന് കൈ പിടിച്ചു ഹാളിനോട് ചാരിയുള്ള റൂമിലേക്കെന്നെ കൊണ്ടുപോയി…

“അഞ്ജു… എന്താ നിന്റെ പ്ലാൻ…”
വളരെ പതിഞ്ഞ ശബ്ദത്തിൽ എന്നോട് കൂട്ടുകാരിയായ അമ്മു ചോദിച്ചു…

എന്റെ കണ്ണിൽ നിന്നും ഒരുതുള്ളി കണ്ണുനീർ പൊടിഞ്ഞു…

“നീ ഒന്നുകൊണ്ടും പേടിക്കേണ്ട… ജോയും കൂട്ടുകാരും രാത്രി തന്നെ എത്തും… ഇന്ന് രാത്രി തന്നെ അവർ നിന്നെയും കൊണ്ട് ഇവിടുന്ന് പോകും…
നീയിങ്ങനെ മൂഡ് ഔട്ടായിരുന്ന് മറ്റുള്ളവർക്ക് സംശയത്തിനിട നൽകരുത്… ഞങ്ങളൊക്കെയില്ലേ നിന്റെ കൂടെ.. നീ ഒന്ന് ചിരിച്ചേ… ജോയുമായുള്ള നിന്റെ വിവാഹം നാളെ രാവിലെ തന്നെ രെജിസ്റ്റർ ഓഫീസിൽ വെച്ച് നടക്കും…”