ഭ്രാന്ത് {അപ്പൂസ്} 1916

ഭാഗ്യമോ ഭാഗ്യക്കേടോ… അപ്പോളേക്കും അമ്മൂസ് ആ പുഴയുടെ അരികിലേക്ക് ഓടിയെത്തി….

ചെറിയൊരു ആശ്വാസം അവൾക്ക് തോന്നി…. ആ പുഴയുടെ അക്കരെ ആണ് അവളുടെ വീടെന്ന് അവൾക്കറിയാം…. മാത്രമല്ല അവിടം ആളുകൾ താമസിക്കുന്നയിടമാണ്…

ഒഴുകണോ വറ്റി വരളണോ എന്ന് സംശയിച്ചു നിൽക്കുന്ന പുഴയിലേക്ക് കാട്ടുചെടികൾ വകഞ്ഞു മാറ്റി അമ്മു ഓടിയിറങ്ങി….

ആദ്യചുവട് തന്നെ പിഴച്ചു….

വെള്ളം ഒഴുകി വറ്റിയ പാറയിലെ പായലിൽ ചവിട്ടി കാൽ വഴുതി അവൾ പുഴയിലേക്ക് വീണു…

കാൽമുട്ട് പാറയിൽ ഇടിച്ചു മരവിച്ച വേദനയിൽ നിന്നവൾക്ക് എണീക്കാൻ കഴിയുമ്പോളേക്ക് ആ കാലടി ശബ്ദം അവൾക്ക് തൊട്ടരികിൽ എത്തി….

തനിക്ക് പുറകിൽ ചെടികൾ വകഞു നീങ്ങുന്നശബ്ദവും ഉയരുന്ന കിതപ്പിന്റെ ശബ്ദവും കേട്ട് അവൾ ഭയന്നുവിറച്ചു…

മണത്തു നോക്കി ഇരയെന്ന് ഉറപ്പ് വരുത്തുന്ന നിമിഷങ്ങൾ…. വേട്ടക്കാരന്റെ കണ്ണുകൾ സന്തോഷം കൊണ്ടും ഒരയുടെ കണ്ണുകൾ പ്രാണൻ പോകാൻ പോവുന്നതോർത്തും നീറുന്ന നിമിഷങ്ങൾ…

” ഹെ… ഹെന്നെ…. കൊല്ലല്ലേ…. ”

വിറയാർന്ന ശബ്ദത്തിൽ അമ്മൂട്ടി തല ഉയർത്താതെ തന്നെ അപേക്ഷിച്ചു….

അടുത്ത നിമിഷം അമ്മൂട്ടിയുടെ കൈകളിൽ എന്തോ പിടിച്ചുയർത്തി…..

♥️♥️♥️♥️♥️

കൊള്ളാമോ??? തുടരണോ???

ഒരു കഥ പ്ലാൻ ചെയ്തിരുന്നതാണ്… പക്ഷേ ശരിക്കും അടിമയെ പോലെ ആണ് പണിയെടുക്കുന്നത്… ഒട്ടും സമയമില്ല… അത്കൊണ്ട് പണ്ടെന്നോ എഴുതി വച്ച ഒരു ചെറിയ കഥയുടെ ഒഎസ് ഭാഗം ശരിയാക്കി ഇടാമെന്ന കരുതി…

നിലവാരമില്ലെങ്കിൽ പറഞ്ഞോളൂ..

പിന്നെ ബാക്കി സമയം പോലെ എഴുതി തരാമേന്നെ പറയൂ.. ഒട്ടും ടൈം ഇല്ല…