പ്രേമം ❤️ 12 [Vishnu] Climax? 441

---

അവൻ അവളെ മൈൻഡ് ചെയ്യാതെ അകത്തേക്ക് പോയി അവിടെ ഉണ്ടായിരുന്ന ബോട്ടിലിൽ ഉള്ള വെള്ളം എടുത്തു കുടിച്ചു..

 

അവൾ അപ്പോഴേക്കും അവന്റെ അടുത്തേക്ക് എത്തി അവന്റെ കൈ പിടിച്ചു ആ ഭാഗം നോക്കാൻ ശ്രമിച്ചെങ്കിലും അവൻ തട്ടി മാറ്റി..

 

“എന്താ വേണ്ടേ..”

 

അവൻ അത് ഇഷ്ടപ്പെടാത്ത രീതിയിൽ അവളോട്‌ ചോദിച്ചു..

 

അവൾ അത് കേട്ട് ഒന്ന് ഞെട്ടി..അവൻ ഇതുവരെ അവളോട്‌ അങ്ങനെ ഒരു രീതിയിൽ സംസാരിക്കുന്നത് കേട്ടിട്ടില്ല..

 

“എന്താ കൈക്ക് പറ്റിയെ ..ഷർട്ടിൽ ചോര ഒക്കെ..”

 

അവൾ അവനോടു ചോദിച്ചു..

 

“അറിഞ്ഞിട്ടിപ്പൊ എന്തിനാ…ഞാൻ ചത്താലും ജീവിച്ചാലും അത് നിനക്ക് എന്തെങ്കിലും മാറ്റം കൊണ്ടുവരുന്നുണ്ടോ..”

 

അത് കേട്ട അവൾ ഒന്നു ഞെട്ടി..

 

“ഹൃഷി എന്താ ഇങ്ങനെ ഒക്കെ പറയുന്നേ..”

 

“സോറി..പറഞ്ഞതിൽ തെറ്റുണ്ട്.. ഞാൻ ചത്താൽ നിനക്ക് സുഖമല്ലേ…ഡിവോഴ്‌സും കോടതിയും ഒന്നും വേണ്ടലോ..”

 

അത് കേട്ട അവൾ ഞെട്ടുന്നത് അവൻ കണ്ടു..

 

അവൾ അവനെ ഞെട്ടലോടെ നോക്കി..

 

“ഹൃഷി…അത്..”

 

“നീ ഒന്നും പറയണ്ട നന്ദു.. സോറി നന്ദന..അങ്ങനെ അല്ലെ നിന്നെ വിളിക്കാൻ പാടുള്ളൂ…നീ കല്യാണം കഴിഞ്ഞ ശേഷം എന്നെങ്കിലും എന്നെ ഒന്ന് സ്നേഹിച്ചിട്ടുണ്ടോ…ഇല്ലല്ലോ…