പ്രേമം ❤️ 12 [Vishnu] Climax? 441

അവന്റെ ഉള്ളിൽ ദേഷ്യം നുരഞ്ഞുപൊന്തി..അവൻ പെട്ടെന്ന് തന്നെ എഴുന്നേൽക്കാൻ നോക്കിയെങ്കിലും 

കയ്യിലും കാലിലും കെട്ട് ഉള്ളതുകാരണം അവനു എഴുന്നേൽക്കാൻ കഴിഞ്ഞില്ല.

അത് കണ്ട ഹൃഷിക്ക് ചിരി ആണ് വന്നത്..

അവൻ അഭിയുടെ അടുത്തിരുന്നു..

“സോറി ബ്രോ..പഴയ കൂട്ടുകാരനെ കുറെ കാലത്തിനു കാണാൻ വരുമ്പോൾ ഇങ്ങനെ കാണണം എന്ന് ആഗ്രഹം ഇല്ലായിരുന്നു..ഇത് പക്ഷെ നീ വരുത്തി വച്ചത് അല്ലെ..”

അഭി അവനെ ദേഷ്യത്തോടെ നോക്കി..

“നീ കളിച്ച നാറിയ കളി കൊണ്ടു നിനക്ക് എന്തെങ്കിലും കിട്ടിയോ..ഇല്ല…നിനക്ക് ഒരു ശല്യവും ചെയ്യാതെ പൊയ്കൊണ്ടിരുന്ന എന്നെ ഇതിലേക്ക് പിന്നെയും വലിച്ചു ഇട്ടത് നീയാണ്..

ഞാൻ നീ കളിച്ച എല്ല നാറിയ കളിയും ക്ഷമിക്കും..പക്ഷെ നന്ദൂനെ വണ്ടി ഇടിപ്പിക്കാൻ ശ്രമിച്ചത്..

അതും പറഞ്ഞു ഹൃഷി അവന്റെ കരണം നോക്കി പൊട്ടിച്ചു…വേദന സഹിക്കുക എന്നല്ലാതെ അവനു വേറെയൊന്നും ചെയ്യാൻ സാധിച്ചില്ല..

“ഇനി നിന്റെ നിഴൽവെട്ടം എന്റേയോ നന്ദുവിന്റെയോ എന്റെ കൂട്ടുകാരുടെയോ മേലെ വീണാൽ…ഇപ്പൊ നീ അനുഭവിക്കുന്നതിന്റെ ഇരട്ടി നീ മേടിക്കും..”

അതും പറഞ്ഞു ഹൃഷി അവിടെ നിന്നും എഴുന്നേറ്റു..മുറിയിൽ നിന്നും പുറത്തിറങ്ങും മുൻപ് അവൻ അഭിയെ നോക്കി..