പ്രേമം ❤️ 12 [Vishnu] Climax? 441

ആ സമയം ഫ്ലാറ്റിന്റെ ഡോർ തുറന്നു അകത്തേക്ക് ഒരാൾ കയറിയത് അവൾ അറിഞ്ഞില്ല..

അവൾ കരയുന്നത് കണ്ട ഹൃഷി ഉള്ളിൽ ചിരിച്ചു..അവൻ അവന്റെ മധുര പ്രതികാരം അപ്പോൾ എടുത്തുകൊണ്ടിരിക്കുകയായിരുന്നു..

അവനെ കണ്ടതും സ്ക്കൂബി അവന്റെ അടുത്തേക്ക് ഓടി അവനു നേരെ ചാടി ശബ്ദം ഉണ്ടാക്കാൻ തുടങ്ങി..

അപ്പോഴാണ് കരഞ്ഞുകൊണ്ടിരുന്ന നന്ദുവും അവൻ വന്നത് ശ്രദ്ധിച്ചത്…അവന്റെ മുഖത്ത് ചിരി കണ്ടതും അവൾ പെട്ടെന്ന് തന്നെ കണ്ണുകൾ തുടച്ചുകൊണ്ടു അവന്റെ നേരെ നടന്നു..

അവൾക്ക് നല്ല ദേഷ്യം കേറിയിട്ടുണ്ട് എന്നു ഹൃഷിക്ക് മനസ്സിലായി.. അവൾ നേരെ വന്നു അവനെ പരക്കെ തല്ലാൻ തുടങ്ങി.…

“എഡോ സോറി…ഇത്രയും പോകും എന്ന് വിചാരിച്ചതല്ല…ക്ഷമിക്ക്…”

അതും പറഞ്ഞുകൊണ്ട്  ഹൃഷി അതിൽ നിന്നും ഒഴിഞ്ഞു മാറാൻ നോക്കിയപ്പോൾ  അവൾ പെട്ടെന്ന് തന്നെ അവനെ മുറുക്കെ വാരിപുണർന്നുകൊണ്ടു മുഖം നെഞ്ചിൽ പൂഴ്ത്തിവച്ചു കരയാൻ തുടങ്ങി..

അവൻ ഒരു നിമിഷം സ്റ്റക്ക് ആയിപ്പോയി..അവൻ പതിയെ അവളെയും കെട്ടിപിടിച്ചു..ഇരുവരുടെയും ഇടയിൽ ഉണ്ടായിരുന്ന മഞ് ഉരുകിപോകുന്ന നിമിഷം ആയിരുന്നു അത്..

“എന്നാലും നിനക്ക് പറയാമായിരുന്നു എല്ലാം നീ അറിഞ്ഞു എന്നു..”