പ്രേമം ❤️ 12 [Vishnu] Climax? 441

---

“അപ്പൊ അതാണ് അവൾ ഡിവോഴ്സ് വേണ്ട എന്നു വീട്ടിൽ പറഞ്ഞത്…പക്ഷെ ആ ദിവസം അല്ലെ അവൾ താരയുടെ പേരും പറഞ്ഞു പ്രശ്നം ആക്കിയത്..”

 

“ഹൃഷി അവൾ അന്ന് നല്ല ടെന്ഷനിലയായിരുന്നു..കൂടാതെ ആകെ വട്ടു പിടിച്ച അവസ്ഥയും…നിനക്ക് അറിയാലോ അവളെ പറ്റിച്ചു എന്ന തോന്നൽ വന്നാൽ അവളുടെ അവസ്ഥ..ചിലപ്പോ എല്ലാം അറിഞ്ഞപ്പോ ഉള്ള അവളുടെ അവസ്ഥ ആയിരിക്കും..ആ അവസ്ഥയിൽ നമ്മൾ ചെയ്തത് പോലെ ആരോട് ചെയ്താലും അവർ ഇങ്ങനെ റിയാക്ട് ചെയ്യും..”

 

സിദ്ധു പറഞ്ഞു..

 

“പക്ഷെ താരയുടെ കാര്യം..”

 

“അത് അവളുടെ നാവിൽ നിന്നു തന്നെ അറിയേണ്ടി വരും..”

 

ഹൃഷിക്ക് അതിൽ കാര്യമുണ്ടെന്ന് തോന്നി..

 

“അപ്പൊ എന്നോട് അവൾ കാണിച്ചത് മുഴുവൻ സഹതാപം മാത്രം അല്ല..അവൾ എന്നോട് തെറ്റ് ചെയ്തു എന്നൊരു തോന്നൽ കൂടി ഉണ്ടല്ലേ..”

 

അതും പറഞ്ഞു അവൻ നികേഷിനെ നോക്കി..

 

“സിദ്ധു..ഒരു ചെറിയ കളി കൂടി കളിക്കാൻ ഉണ്ട്..എന്നെ ഇത്ര നാൾ സങ്കടപെടുത്തിയ ഒരാളെ ഒരു ദിവസം എങ്കിലും ഒന്നു കരയിക്കേണ്ടേ..”

 

സിദ്ധു കാര്യം മനസ്സിലാവാതെ അവനെ നോക്കി..

 

“ആരെ കരയിക്കാൻ..ഈ നാറിയെയോ..”

 

“അല്ല വേറൊരാളെ..”

 

അതും പറഞ്ഞു അവൻ സിധുവിനെ നോക്കി ചിരിച്ചു..