പ്രേമം ❤️ 12 [Vishnu] Climax? 441

---

നികേഷ് പറയാൻ ഒന്നു മടിച്ചു..

 

“എന്താ അവൻ ചെയ്യാൻ പറഞ്ഞേ..പറയെടാ…”

 

അതും പറഞ്ഞു ഹൃഷി അവന്റെ കോളറിൽ പിടിച്ചു..

 

“പറയാം പറയാം..”

 

അത് കേട്ടതും അവൻ കൈ പിൻവലിച്ചു..

 

“ആ സമയം ആണ് നന്ദനയുടെ വീട്ടിൽ കല്യാണ ആലോചനകൾ വന്നു തുടങ്ങിയത്..അപ്പോഴും ഞാനും അവളും തമ്മിൽ നല്ല ബന്ധത്തിൽ തന്നെ ആയിരുന്നു..

 

അവളുടെ കല്യാണം പതിയെ ഉറപ്പിച്ചു…അവളുടെ വീട്ടിൽ ഇടയ്ക്കിടെ പോകാറുള്ളത് കൊണ്ട് കുറെ കാര്യങ്ങൾ അവളുടെ അച്ഛൻ എന്നെ ഏല്പിച്ചിരുന്നു..

 

അവളുടെ വീട്ടിൽ എനിക്ക് എപ്പോൾ വേണമെങ്കിലും കേറി ചെല്ലാനും പറ്റും..”

 

“അപ്പൊ അഭി എന്താ നിന്നോട് ചെയ്യാൻ പറഞ്ഞത്..”

 

“അഭി പറഞ്ഞത് പോലെ ഞാൻ…ഞാൻ അവളുടെ കല്യാണം മുടക്കി…”

 

അത് കേട്ട അവർ ഞെട്ടിയെങ്കിലും ഹൃഷിക്ക് വലിയ ഞെട്ടൽ ഒന്നും ഉണ്ടായിരുന്നില്ല..അവനു  അത് കേട്ട് ചിരി ആണ് വന്നത്..

 

“ഇനി നീ പറയണ്ട പാക്കര ബാക്കി ഞാൻ പറയാം..”

 

അത് കേട്ട എല്ലാരും നോക്കി..ഹൃഷി ആണ്..

 

“കല്യാണം മുടങ്ങി നിൽക്കുന്ന സമയം നീ ദൈവദൂതൻ ആയി പ്രത്യക്ഷപ്പെടും…അവന്റെ പേര് പറയും..നല്ല ജോലിയും പൈസയും ഒക്കെ ഉള്ളതുകൊണ്ടു അവർക്ക് വേറെ ഒന്നു ആലോചിക്കേണ്ടി വരില്ല..