പ്രേമം ❤️ 12 [Vishnu] Climax? 441

ഇപ്പൊ തന്നെ നീ എന്നോട് ഈ കാണിക്കുന്ന മാറ്റവും സോഫ്റ്നെസ്സും ഒക്കെ എന്റെ കോളേജിൽ നടന്ന ഒരു കഥ ആനന്ദ് പറഞ്ഞത് കൊണ്ടു മാത്രം അല്ലെ..അല്ലാതെ എന്നോട് ഒരു തരി സ്നേഹം നിനക്ക് ഉണ്ടോ..ഇല്ലാലോ…”

ഇതൊക്കെ കേട്ട അവൾ ആകെ തരിച്ചു പോയിരുന്നു..അവളുടെ കണ്ണിൽ നിന്നും വെള്ളം വരുന്നുണ്ടായിരുന്നു…അവൾ അവനെ കെട്ടിപിടിക്കാൻ പോയെങ്കിലും അവൻ അവളെ പിടിച്ചു മാറ്റി

“ഹൃഷി പ്ലീസ് എനിക്ക് പറയാൻ ഉള്ളത് നീയൊന്നു കേൾക്ക്..പ്ലീസ്..”

“വേണ്ട …ഇത് അവസാനിപ്പിക്കുന്നതാണ് നല്ലത്…നീ പറഞ്ഞത് പോലെ നമ്മൾ ഒരിക്കലും ചേരില്ല..അത് എനിക്ക് മനസ്സിലാവാൻ കുറച്ചു കാലം എടുത്തു എന്നു മാത്രം…”

അതും പറഞ്ഞു ഹൃഷി അവന്റെ മുറിയിൽ കയറി ശക്തിയിൽ വാതിൽ അടച്ചു..

അവൾ കരഞ്ഞുകൊണ്ട് നിലത്തിരുന്നു….അവളുടെ പൊട്ടികരച്ചിലിന്റെ ശബ്ദം ആ മുറിയിൽ മുഴുവൻ  നിറഞ്ഞു നിന്നെങ്കിലും കുറച്ചു നേരത്തേക്ക് ആ മുറി തുറന്നില്ല..

കുറച്ചു നേരം കഴിഞ്ഞതും അവൻ ഡോർ തുറന്ന് പുറത്തേക്ക് വന്നു..അവന്റെ കയ്യിൽ ഒരു ബാഗും ഉണ്ടായിരുന്നു..അവൾ അവനെ നോക്കി..കരഞ്ഞു തളർന്ന അവളെ അവൻ നോക്കി..