പ്രണയിനി 2 [The_Wolverine] 1418

ഏകദേശം ഒരു വർഷത്തിന് ശേഷം എനിക്ക് അഞ്ചു വയസ്സ് പ്രായം ഉള്ളപ്പോൾ ആണ് അടുത്തുള്ള ഗവണ്മെന്റ് സ്കൂളിൽ എന്നെ ചേർക്കുന്നത് പിന്നീടുള്ള എന്റെ കൂട്ടുകെട്ടെല്ലാം ആരംഭിക്കുന്നത് അവിടെ നിന്നാണ്. ഒന്നാം തരത്തിൽ സ്കൂളിൽ ചേർത്ത് അച്ഛനും അമ്മയും തിരികെ വീട്ടിലേക്ക് പോകുമ്പോൾ നമ്മൾ കരയാറില്ലേ അതുപോലെയുള്ള ചില കാര്യങ്ങൾ എന്റെ ജീവിതത്തിലും ഉണ്ടായിരുന്നു എങ്കിലും പിന്നീട് ഞാനും പുതിയ സാഹചര്യവുമായി പൊരുത്തപ്പെട്ട് തുടങ്ങി അങ്ങനെ സ്‌കൂളും കൂട്ടുകാരും വീടുമായി കുറേ കാലം പോയിക്കൊണ്ടിരുന്നു അല്ലാതെ ഇപ്പൊ എന്തൂട്ട് ചെയ്യാനാ അല്ലേ… ???

ഞാൻ മൂന്നാം തരത്തിൽ പഠിക്കുന്ന സമയത്താണ് അഞ്ചാം തരത്തിൽ പഠിക്കുന്ന ചേട്ടന്മാർ അവരുടെ കൂടെ പഠിക്കുന്ന പെൺകുട്ടികൾക്ക് കത്തുകളിലൂടെ പ്രണയ സന്ദേശം കൈമാറുന്നത് ആദ്യമായി കാണുന്നത്. കത്തുകൾ കൊടുക്കുവാനായി ചേട്ടന്മാർ ഞങ്ങളെയും ഉപയോഗപ്പെടുത്തിയിരുന്നു അന്ന് പ്രണയം എന്നതിന്റെ അർത്ഥമോ വ്യാഖ്യാനമോ ഒന്നും എനിക്ക് അറിയില്ലായിരുന്നു എന്നാൽ വരും കാലയളവുകളിൽ ഞാനും പ്രണയം എന്ന ആ പരിശുദ്ധമായ അനുഭൂതിയിലേക്ക് കൂപ്പുകുത്തും എന്ന് അറിഞ്ഞിരുന്നില്ല…

ആദ്യമൊക്കെ ചേട്ടന്മാരൊക്കെ ഈ കാട്ടിക്കൂട്ടുന്നതൊക്കെ അത്യധികം ആകാംഷയോടെയും കൗതുകത്തോടെയും നോക്കിക്കണ്ടിരുന്ന ഞാൻ പോകെ പോകെ ഇത് എന്തൂട്ടാണ് സംഭവം എന്ന് മനസ്സിലാക്കി. അങ്ങനെ അഞ്ചാം ക്ലാസിൽ ഒക്കെ എത്തിയപ്പോൾ കൂടെയുള്ള കൂട്ടുകാരും ചേട്ടന്മാരുടെ പാത പിന്തുടർന്നത്തോടെ ഈ പാവം ഞാനായിട്ട് എന്തിനാ ഇതീന്ന് ഒഴിഞ്ഞ് മാറുന്നതെന്ന് കരുതി അങ്ങനെ ഞാനും അവന്മാരോടുകൂടെ കൂടി പിന്നീടുള്ള ദിവസങ്ങളിൽ ഓരോരുത്തരും താങ്കളുടെ പ്രിയതമമാരെ കണ്ടുപിടിക്കുന്നതിന്റെ തിരക്കിൽ ആയിരുന്നു ചിലപ്പോൾ ഒരുത്തന് ഇഷ്ടപ്പെടുന്ന പെൺകുട്ടിയെ കൂട്ടത്തിലെ വേറെ ഒരുത്തനും ഇഷ്ടം ആയിരിക്കും അവസാനം അത് തല്ലിലും കരച്ചിലിലും അവസാനിക്കും ഒടുവിൽ എല്ലാവരും ഓരോരുത്തരെ കണ്ടുപിടിച്ചശേഷം അവസാനത്തെ ആളെന്ന നിലയിൽ എന്നോടും ഒരാളെ കണ്ടുപിടിക്കാൻ പറഞ്ഞു അങ്ങനെ ആ ദിവസത്തെ മുഴുവൻ തിരച്ചിലിനൊടുവിൽ ഞാനും ഒരു പെൺകുട്ടിയെ കണ്ടെത്തി അവളുടെ പേര് “രാജലക്ഷ്‌മി” എന്ന് ആയിരുന്നു ഒരു പാവം പെൺകുട്ടി