പ്രണയിനി 2

Author : The_Wolverine

[ Previous Parts ]

പ്രണയിനി എന്ന എന്റെ ആദ്യ കഥയെ ഇത്രത്തോളം Support ചെയ്ത എന്റെ എല്ലാ സുഹൃത്തുക്കൾക്കും ഹൃദയത്തിന്റെ ഭാഷയിൽ നന്ദി പറഞ്ഞുകൊണ്ട് പ്രണയിനി Part-02 ആരംഭിക്കുകയാണ്, വൈകി പോയതിൽ ആദ്യമേ തന്നെ ക്ഷമ ചോദിക്കുന്നു.

കഴിഞ്ഞ ഭാഗത്തിൽ എന്നെപ്പറ്റി ഒന്നുംതന്നെ ഞാൻ പറഞ്ഞിരുന്നില്ല അതുകൊണ്ടുതന്നെ ഈ ഭാഗത്തിന്റെ തുടക്കത്തിൽ തന്നെ എന്നെ പരിചയപ്പെടുത്താം.

എന്റെ പേര് അമൽ അച്ഛൻ രാജീവ് അമ്മ സീത ഒരു മിഡിൽ ക്ലാസ്സ്‌ ഫാമിലി ആണ് ഞങ്ങളുടേത് ആലപ്പുഴ ജില്ലയാണ് ഞങ്ങളുടെ സ്ഥലം വീട്ടിൽ അച്ഛനും അമ്മയും കൂടാതെ അച്ഛന്റെ അമ്മയും ഉണ്ട് അച്ഛന്റെ അച്ഛൻ അച്ഛന്റെ ചെറുപ്പത്തിൽ തന്നെ മരിച്ചതാണ് അച്ഛൻ ഒറ്റ മോനാണ് എന്നാൽ അമ്മയ്ക്ക് മൂന്ന് ആങ്ങളമാരുണ്ട് മൂന്ന് ആങ്ങളമാരുടെ ഒരേ ഒരു പെങ്ങളൂട്ടിയാണ് എന്റെ അമ്മ കുട്ടി. നന്നേ ചെറുപ്പം മുതൽ തന്നെ ഞാൻ എന്റെ അമ്മ വീട്ടിൽ ആണ് കൂടുതലും എന്റെ ബാല്യകാലം ചെലവഴിച്ചിരുന്നത് അതിനാൽ തന്നെ നഴ്സറി സ്കൂളിൽ ഒക്കെ അവിടെ നിന്നാണ് പഠിച്ചത് അമ്മ വീട്ടിൽ ഉണ്ടായിരുന്നത് അമ്മയുടെ അച്ഛനും അമ്മയും മൂന്ന് ആങ്ങളമാരും ആയിരുന്നു അതിൽ വല്യമ്മാവൻ കല്യാണം കഴിഞ്ഞതിന് ശേഷം വീട് മാറി പോയി ഇപ്പോൾ വല്യമ്മായിയുടെ വീടിന്റെ അടുത്ത് തന്നെ സ്ഥലം വാങ്ങി വീട് വെച്ച് താമസിക്കുകയാണ് അവർക്ക് രണ്ട് ആൺകുട്ടികൾ ആണ് ഒരാൾ എന്നെക്കാൾ മൂത്തതും ഒരാൾ ഇളയതും ആണ്, രണ്ടാമത്തെ അമ്മാവനും കല്യാണം കഴിഞ്ഞതാണ് അമ്മായിയും ഇവിടെ തന്നെയാണ് അവർക്ക് കുട്ടികൾ ഇല്ല, ഇളയ അമ്മാവന്റെ കല്യാണം കഴിഞ്ഞിട്ടില്ല. എല്ലാവരെയും പരിചയപ്പെടുത്തിയത് എന്തിനാണെന്നുവെച്ചാൽ ഈ കഥയുടെ ചില സന്ദർഭങ്ങളിൽ ഇവർക്ക് എല്ലാവർക്കും ചെറിയ തോതിൽ റോളുകൾ ഇണ്ടാവും ആ സമയത്ത് ഒരു കൺഫ്യൂഷൻ വേണ്ടെന്ന് കരുതി ഏത്… ???

ബാല്യകാലത്തിൽ എനിക്ക് സൗഹൃങ്ങൾ എന്ന് പറയാൻ ആകെ ഉണ്ടായിരുന്നത് നഴ്സറി സ്കൂളിൽ കൂടെ പഠിച്ചിരുന്ന കുട്ടികളാണ് അമ്മ വീട് ഗ്രാമത്തിൽ ആണെങ്കിലും ആ സമയത്തൊന്നും വീടിന്റെ അടുത്തായി അധികം അയൽപക്കങ്ങൾ ഒന്നും ഉണ്ടായിരുന്നില്ല മറ്റ് വീടുകൾ ഉള്ളതൊക്കെ കുറച്ച് മാറി ഒക്കെ ആയിരുന്നു അതുകൊണ്ട് തന്നെ വീടിന് അടുത്തുള്ള സൗഹൃദങ്ങൾ കുറവായിരുന്നു.