പ്രണയമഴ…!!?* 297

നേരം സന്ധ്യയോട് അടുത്തിരുന്നു… അർജുന് വേണ്ടിയുള്ള കാത്തിരിപ്പിൽ ആണ് മാനസി… കുഞ്ഞിന് വേണ്ടി എങ്കിലും ഇനി തന്നെ വേദനിപ്പിക്കില്ല എന്നുള്ള വിശ്വാസത്തിൽ ആണവൾ… അർജുന്റെ തുടിപ്പ് തന്റെ വയറ്റിൽ ഉണ്ടെന്ന് അറിയുമ്പോൾ സ്നേഹത്തോടെ ഏറെ പ്രേമത്തോടെ തന്നെ ചുംബനങ്ങൾ കൊണ്ട് മൂടും എന്ന് അവൾക്ക് ഉറപ്പായിരുന്നു…

ഏറെ നേരത്തിന് ശേഷം മുറ്റത്ത് അർജുന്റെ കാറിന്റെ ഒച്ച കേട്ടു… നെഞ്ചിടിപ്പോടെ അവൾ അവനായി കാത്തിരുന്നു… വീണ്ടും തന്നിൽ അവനോടുള്ള പ്രേമം പടർന്ന് പന്തലിച്ചിരുന്നു… നേരെ മുറിയിലേക്ക് വന്ന അർജുൻ ഷർട്ട്‌ അഴിച്ച് ടവൽ എടുത്ത് കുളിക്കാൻ കയറി…

സമാധാനത്തോടെ പറയാം എന്ന് കരുതി തന്റെ കുഞ്ഞ് വയറിൽ തലോടി അവൾ ബെഡിൽ ഇരുന്നു… കുളികഴിഞ്ഞ് അർജുൻ ഇറങ്ങിയതും അവന് അരികിലേക്ക് ചെന്നു… ഒരു ടി ഷർട്ട്‌ എടുത്ത് ഉടുത്ത് കൊണ്ട് അയാൾ തിരിഞ്ഞതും പിറകിൽ നിൽക്കുന്ന മാനസിയെ കണ്ട് അവൻ നെറ്റി ചുളിച്ചു…

അർജുന്റെ കൈ എടുത്ത് അവളുടെ അണിവയറിൽ വെച്ച് കൊണ്ട് അവൾ അവനോട് ചേർന്ന് നിന്നു…