പ്രണയമഴ…!!?* 297

ഫോണിൽ നിന്നും അലാറം അടിക്കുന്ന ശബ്ദം കേട്ടതും അവൾ വേഗത്തിൽ അത് ഓഫാക്കി മുറി തുറന്ന് പുറത്തേക്ക് ഇറങ്ങി… അടുക്കളയിൽ ചെന്ന് പാല് തിളപ്പിച്ച് ചായ ഇട്ടു… അപ്പോഴേക്കും സുഗന്തി അമ്മ അടുക്കളയിലേക്ക് വന്നിരുന്നു..

*മാനസി…!!* കുട്ടി നേരത്തെ എണീറ്റോ… എനിക്കൊരു കുഞ്ഞ് തലവേദന ഇന്നലെ തൊട്ട്…കണ്ണോന്ന് അടഞ്ഞ് പോയി…” സ്നേഹത്തോടെ അവളുടെ തോളിൽ തൊട്ട് കൊണ്ട് അമ്മ പറഞ്ഞതും അവൾ മനസ്സ് നിറഞ്ഞൊന്ന് ചിരിച്ചു…

“അത് സാരല്ല അമ്മാ… ഇതാ നല്ല കടുപ്പത്തിൽ ചായ ഇട്ടിട്ടുണ്ട് ഇതും കുടിച്ച് ഒന്നൂടെ കിടന്നോളു തലവേദന ഒക്കെ പമ്പ കടക്കും…” അവരുടെ കവിളിൽ ഒന്ന് മെല്ലെ പിച്ചി കൊണ്ട് അവൾ കുസൃതിയോടെ പറഞ്ഞു…