പ്രണയമഴ…!!?* 297

ബില്ല് അടച്ച് ബിപി എല്ലാം ടെസ്റ്റ്‌ ചെയ്ത ശേഷമേ പോവാൻ കഴിയൂ… അത് കൊണ്ട് തന്നെ ഇനിയും ഒത്തിരി സമയം ഉള്ളത് കൊണ്ട് അവൾ വെറുതെ ഒന്ന് കണ്ണുകൾ അടച്ചു…അറിയാതെ ഒന്ന് മയങ്ങി പോയി…

കയ്യിൽ ആരോ തൊടുന്നത് പോലെ തോന്നിയപ്പോൾ ആണ് അവൾ കണ്ണ് തുറന്നത്… മുന്നിൽ നില്ക്കുന്ന ആളെ കണ്ടതും അവളുടെ കണ്ണുകൾ ഒന്ന് വിടർന്നു…

*അശ്വിൻ…!!* മെല്ലെ ചുണ്ടുകൾ മൊഴിഞ്ഞു…

“ആഹാ എണീറ്റോ… ഞാൻ ഒത്തിരി നേരം ആയി വന്നിട്ട് ഉറക്കം ഉണർത്തേണ്ട എന്ന് കരുതി എണീറ്റിട്ട് ഇതൊക്കെ ചെയ്യാം എന്ന് കരുതിയതാ… ഇന്നെങ്ങാനും നീ എണീക്കില്ലെന്ന് തോന്നി അതാ…” ബിപി മോണിറ്റർ അവളുടെ കയ്യിൽ കെട്ടി അവൻ ചിരിയോടെ പറഞ്ഞു…

“എംബിബിസ് കഴിഞ്ഞ് ഇവിടെ ട്രൈനിങ്ങിന് കയറിയതാ… സീനിയർ ഡോക്ടർ പെഷ്യയന്റ്സിനെ ചെക്കപ്പ് ചെയ്ത് വരാൻ പറഞ്ഞ് നേരെ ഈ സിസ്റ്റർ എന്നെ കൊണ്ടുവന്നത് ഇങ്ങോട്ടാ… ദേ ഇവിടെ വന്ന് നോക്കുമ്പോൾ പ്രതീക്ഷിക്കാത്ത ആളും…” വാ അടക്കാതെ ചിരിയോടെ ഓരോന്ന് പറയുന്ന അശ്വിന് അവൾ ഒന്ന് ചിരിച്ച് കൊടുത്തു…

“അതിരിക്കട്ടെ… എവിടെ ആയിരുന്നെടി പെണ്ണേ നീ… കല്യാണം കഴിഞ്ഞതോടെ നിനക്കും നിന്റെ കെട്ട്യോൻക്കും നമ്മളോട് സംസാരിക്കാൻ ഒന്നും ടൈമ് ഇല്ലാതെ ആയല്ലേ… അല്ല നിനക്ക് എന്ത് പറ്റിയതാ അർജുൻ എവിടെ…” സംശയത്തോടെ ചോദിക്കുന്ന അവനോട് അവൾ ചിരിച്ച് കൊടുത്തു…

“ഞാനൊന്ന് വീണതാ… അർജുൻ വീട്ടിൽ ഉണ്ട്…” മറ്റൊന്നും പറഞ്ഞില്ല…