പെയ്തൊഴിയാതെ (മാലാഖയുടെ കാമുകൻ) 1517

Peythozhiyaathe

Did you miss me? Hope not ?

എല്ലാവർക്കും ഹൃദയം..

സ്പെഷ്യൽ വ്യക്തികൾക്ക് ഈ കഥ ഡെഡിക്കേറ്റ് ചെയ്യുന്നു. ❤️

ആദ്യം ഇന്ദുസ്.. ഇന്നലെ ജന്മദിനം ആഘോഷിച്ച ഇന്ദുവിന് നൂറു നൂറു ആശംസകൾ നേരുന്നു… ❤️❤️ ഏട്ടാ എന്ന് വിളിച്ച മറ്റു പലരും ചില ഗ്രൂപ്പുകളിൽ പോയി എന്റെ കുറ്റങ്ങൾ പറഞ്ഞു രസിക്കുമ്പോൾ ഇന്ദു എന്നെ ഏട്ടൻ എന്ന് വിളിച്ചത് പൂർണമായ അർത്ഥത്തിൽ ആണ്.. അതാണ് അവളുടെ പ്രേതെകത.. അതുകൊണ്ടു തന്നെ എന്റെ അനിയത്തിയും ഒരു നല്ല കൂട്ടുകാരിയും ആയി അവൾ എന്നും ഉണ്ടാകും… ❤️

ബെർണീ എന്ന എന്റെ സ്വന്തം ചേച്ചി.. ❤️ കഴിഞ്ഞ ആഴ്ച ജന്മദിനം ആയിരുന്നു.. ഞാൻ മറന്നു.. അതിന് കണക്കിന് കിട്ടുകയും ചെയ്തു.. ?? ഈ സൈറ്റിൽ നിന്നും കാണുന്ന ആദ്യ ആൾ ചേച്ചി ആകുമെന്ന് പറഞ്ഞു ഒതുക്കിയിട്ടുണ്ട്.. ഒപ്പം ചേച്ചിയുടെ കെട്ടിയോൻ ന്റെ ചേട്ടനെയും.. ❤️❤️ മ്യൂണിക്കിൽ എത്തിയാൽ ഒരുമാസത്തിനുള്ളിൽ തന്നെ ഞാൻ മാഞ്ചസ്റ്ററിൽ എത്തിക്കോളാം.. പ്രോമിസ്.. ?

പിന്നെ എന്നെ സ്നേഹിക്കുന്ന വായനക്കാർ.. നിരാശപെടുത്തിയതിൽ ക്ഷമിക്കണം.. നിയോഗം 3 മറന്നിട്ടില്ലാട്ടോ.. ന്റെ കുട്ടികൾക്ക് ഈ വർഷത്തെ ക്ലാസ്സുകൾ ഒക്കെ എടുത്തു തീർത്തിട്ട് വേണം എനിക്ക് തിരിച്ചു പോകാൻ.. ഒപ്പം അടുത്ത ആഴ്ച എനിക്ക് ഒരു എക്സാം ഉണ്ട്.. ആകെ തിരക്കിൽ ആയതുകൊണ്ട് ആണ് നിയോഗം തുടർന്ന് എഴുതാൻ കഴിയാതെ ഇരുന്നത്.. കട്ടക്ക് ഒപ്പം നിൽക്കുന്ന ചങ്ക്‌സ് ഐ ലവ് യു ഓൾ.. ❤️❤️

അപ്പോൾ കഥയിലേക്ക്… പണ്ട് വായിച്ചു മറന്ന ഒരു കഥയിലെ ഒരു ഭാഗം ഇതിൽ എടുത്തിട്ടുണ്ട്..

പെയ്തൊഴിയാതെ…

ഷിക്കാഗോ ആഡം സ്ട്രീറ്റ്, യു.എസ്‌.എ

ഒരു ഗ്ലാസ് വെയർ ഷോപ്പിൽ നിൽക്കുകയായിരുന്നു ഞാൻ… സ്പടികത്തിൽ തീർത്ത കൊച്ചു പ്രതിമകളോട് വല്ലത്തൊരു ഇഷ്ടമാണ്..

എന്റെ ഫോൺ ശബ്‌ദിച്ചു.. അതെടുത്തുനോക്കിയ ഞാൻ അല്പം ഒന്ന് സംശയിച്ചു.. ഇന്ത്യയിൽ നിന്നും ആണ്.. പതിവില്ലല്ലോ ഈ വിളി.. അവിടെ ആർക്കും എന്റെ നമ്പർ അറിയില്ല…
ഫോൺ എടുത്തു ചെവിയോട് ചേർത്തു..

“ഹലോ….?”

“മോനെ… ഇത്… ഇത് അമ്മയാടാ….”

വർഷങ്ങൾക്ക് ശേഷം ഉള്ള ആ ശബ്ദം… നെഞ്ചിൽ ഒരു നോവ് പടർത്തി..
ഇത്ര നാളും കത്തുകൾ ആയിരുന്നു എന്നെ തേടിയെത്തിയത്.. ഇപ്പോൾ ഫോണിലും… എനിക്ക് പെട്ടെന്ന് ദേഷ്യം ഇരച്ചു കയറി..

“അമ്മയോ ആരുടെ അമ്മ? എന്റെ അമ്മ ആണെങ്കിൽ അതെന്റെ ദേവിചിറ്റ ആണ്… ഇറ്റ്സ്‌ നൊറ്റ്‌ യു.. നിങ്ങൾ അല്ല….നിങ്ങൾക്ക് ആള് മാറി…”

എടുത്തടിച്ചതുപോലെ ഞാൻ പറഞ്ഞു.. അപ്പുറത്ത് നിന്നും ഒരു തേങ്ങൽ ആണ് കേട്ടത്.. എനിക്ക് സന്തോഷം തോന്നി.. അവർ കരയണം..

“മോനു.. ഞാൻ …..”