പവിത്രബന്ധം 3 127

മീരയുടെ ഫോൺ നിർത്താതെ, റിംഗ് ചെയ്യുകയാണ്. ഉറക്കച്ചടവോടെ അവൾ ഫോൺ എടുത്തു.

മീരാ… യൂ ചീറ്റ്….

റിച്ചാർടിൻ്റെ വാക്കുകൾ കേട്ടതും, ആ ഞെട്ടലിൽ അവളുടെ ഉറക്കച്ചടവെല്ലാം പമ്പ കടന്നു.

റിച്ചാർട് എന്താ…

അവളാരാണെന്നു പോലും അന്വേഷിക്കാതാണോടി… നീ… അവളെ ഇതിലേക്കു വലിച്ചിറക്കിയത്, നീയെന്നെ കുടുക്കുലാക്കിയത്, എൻ്റെ ശത്രുത അതു നിനക്കു താങ്ങാനാവില്ല, മീരാ…

നീയിതെന്തൊക്കെയാ… റിച്ചാർട് ഈ പറയുന്നത്, നീയാരെ കുറിച്ചാ ഇപ്പോ പറയുന്നത്,

ആവണി, അവളെ കുറിച്ചല്ലാതെ ആരെ കുറിച്ചാ ഞാൻ നിന്നോട് പറയേണ്ടത്.

അവളെ കുറിച്ചൊക്കെ എന്തു പറയാൻ,

എന്തു പറയാനെന്നോ അവളെവിടെയാ താമസിക്കുന്നതെന്ന് തനിക്കു വല്ല അറിവുമുണ്ടോ…

റിച്ചാർടിൻ്റെ ആ ചോദ്യം അവളിൽ ചെറിയ ആകാംക്ഷ നിറച്ചു. അവൾക്ക് ആവണിയുടെ താമസസ്ഥലം അറിയാനുള്ള ത്വര കൂടി.

എവിടെയാ അവൾ താമസിക്കുന്നത്.

Richmond Town,   ആ Residential area യെ കുറിച്ചു ഞാൻ നിനക്കു പറഞ്ഞു തരേണ്ടതില്ലല്ലോ , അതിനർത്ഥം അവൾ പണക്കാരിയാണെന്നല്ലെ.

അവൻ്റെ വാക്കുകൾ അവളിൽ വെള്ളിടി പോലെ ആഴ്ന്നിറങ്ങി. തൻ്റെ ഞെട്ടൽ മാറിയതും അവൾ പറഞ്ഞു തുടങ്ങി.

നിനക്കു തെറ്റി റിച്ചാർട്, പഠിച്ച കള്ളിയാണവൾ,

താനെന്തൊക്കെയാടോ… ഈ പുലമ്പുന്നത്.

അതെ റിച്ചാർട് ഫീസ് അടക്കാൻ പോലും ഗതിയില്ലാതെ തെണ്ടി നടന്നവളാ അവൾ, അതിൽ എനിക്കൊരു പിഴവും പറ്റിയിട്ടില്ല.

അതായിരിക്കും എൻ്റെ ആളുകൾ നേരിൽ കണ്ടത്.

പുച്ഛിക്കണ്ട റിച്ചാർട്, അവളുടെ ഫസ്റ്റ് വർക്ക് ഒരു ചെറുപ്പക്കാരൻ്റെ കൂടെ ആയിരുന്നത് നിനക്ക് ഓർമ്മയില്ലെ ,

അതിനിപ്പോ എന്താ…

അവനാ അവളെ ഇപ്പോ വെച്ചോണ്ടിരിക്കുന്നത്, ഇപ്പോയാ എനിക്കു മനസിലായത് , എന്തു കണ്ടിണ്ടാ അവൾ അവൻ്റെ പെടലിക്കു തൂങ്ങിയെ എന്നത്.

അപ്പോ അവൻ നമുക്കു പാരയാണല്ലെ,

അതു താനെനിക്കു വിട്ടേര്, അവനെ വളച്ച് ഞാനെൻ്റെ കാൽച്ചുവട്ടിലാക്കും, അവളെ അവിടെ നിന്നും പുറത്താക്കും.

പുറത്താക്കിയാൽ കാര്യങ്ങൾ എളുപ്പമായി, ആ area യിൽ വെച്ച് അവളെ പൊക്കാനാവില്ല, അല്ല എങ്കിൽ കോളേജിനു പുറത്തു വെച്ച്  അവളെ കിട്ടണം.

താൻ പേടിക്കാതെ  , ഇതു ഞാൻ ഡീൽ ചെയ്തോളാം.

എങ്കിൽ , ശരി ഞാൻ വിളിക്കാം തന്നെ,