നിഴലായ് അരികെ -15 [ചെമ്പരത്തി ] 631

ആ ലോക്കറ്റ് നീ ഡൽഹിയിൽ പോയിവന്നപ്പോ കൊണ്ട് വന്നതാന്ന്…..വെറുതെ പിണങ്ങിയത് ഓർത്തിട്ട് എനിക്ക് സങ്കടം വന്നു….. കുറെ ഇരുന്നു കരഞ്ഞു…..സോറി പറയണം ന്നുണ്ട്…… നാളെ ആകട്ടെട്ടോ…… ഇന്നെനിക്കൊന്നും പറയാൻ പറ്റിയില്ല….. നിനക്ക് ദേഷ്യം മാത്രം ആയിരുന്നു…. ആദ്യായിട്ടാ ന്നോട് നീ ദേഷ്യപ്പെട്ട് മിണ്ടാണ്ടിരിക്കണേ……….എന്നെ മര്യാദക്ക് ഒന്ന് നോക്കികൂടി ഇല്ല….ന്തോരും സങ്കടം വന്നൂന്നു അറിയ്യോ…… ഞാനിവിടിരുന്ന ഫ്ലവർവെസ് എറിഞ്ഞു പൊട്ടിച്ചു…..അതിനു മമ്മി ന്നെ കുറെ വഴക്ക് പറഞ്ഞു…
പിന്നുണ്ടല്ലോ….ഞാൻ , നമ്മുടെ ഫാമിലി ഫോട്ടോയിലെ നമ്മുടെ ഫോട്ടോ രണ്ടും വെട്ടി ലോക്കറ്റിനുള്ളിൽ വച്ചിട്ടുണ്ട്….

നന്ദന്റെയും ആര്യയുടെയും സ്കൂൾ കോളേജ് കാലഘട്ടങ്ങൾ പ്രധാന സംഭവങ്ങൾ മുഴുവനും അവൾ ആ ഡയറിയിൽ കോറിയിട്ടിരുന്നു…..
ഓരോ വർഷത്തെയും ഫോട്ടോസ്
ക്രമമനുസരിച്ചു ഓരോരോ താളുകളിൽ
ഇടംപിടിച്ചിരുന്നു…..

അവനിൽ നടുക്കം സൃഷ്ടിച്ചു കൊണ്ട്
ചില താളുകളിൽ പടർന്ന,ചോരക്കറയിൽ കോറിയിട്ട അക്ഷരങ്ങൾ കറുത്ത നിറമായി മാറിയിരുന്നു..
ആര്യക്ക് എന്തെങ്കിലും മാനസീക പ്രശ്നം ഉണ്ടോ എന്നു പോലും ഒരു വേള അവൻ ചിന്തിക്കാതിരുന്നില്ല…..

ഈ സമയമത്രയും  അനിയന്ത്രിതമായി മിടിച്ചുകൊണ്ടിരുന്ന  ഹൃദയം അവനോട് വിളിച്ചു പറഞ്ഞു
‘നീ വെറും വിഡ്ഢി ആണെന്ന്…… നിഴലുപോലെ കൂടെ നടന്നവളുടെ മനസ് കാണാൻ കഴിയാത്ത വിഡ്ഢി……’
മഴപെയ്തു തോർന്നിട്ടും തണുപ്പ് കെട്ടിപ്പുണർന്നൊരാ പകലിലും നന്ദൻ വിയർത്തൊലിച്ചു……

അവൻ വേഗം പഴയ ഡയറിയും മോതിരവും ലോക്കറ്റും പഴയപോലെ ഡ്രോക്കുള്ളിൽ വച്ചു പൂട്ടി…… അതിനു ശേഷം പുതിയ  ഡയറി  എടുത്തു,മുറുക്കിയുടുത്ത മുണ്ടിനിടയിൽ അരയിൽ ഒളിപ്പിച്ചു…..ഷർട്ട്‌ വലിച്ചു നേരെയിട്ട്, ബെഡ്ഷീറ്റും നേരെയിട്ട്, ജ്യൂസ് കൊണ്ട് വന്ന ഗ്ലാസ്സും കയ്യിലെടുത്തു അവൻ പതിയെ പുറത്തേക്കിറങ്ങി…..

വീണതിന്റെ വേദനയാൽ ആയിരുന്നോ..അതോ…………….നിഴലുപോലെ കൂടെ നടന്നവളെ മനസിലാക്കാൻ കഴിയാതെ പോയ മനസിന്റെ വേദനയാൽ ആണോ…….   സ്റ്റെപ് ഇറങ്ങുന്നതിനിടയിൽ പലവട്ടം അവന്റെ കാലുകൾ ഇടറി……

ടേബിളിൽ ഗ്ലാസ്‌ വച്ച ശേഷം, നന്നായി മടക്കാൻ കഴിയാത്ത കാൽ വലിച്ചു വച്ചവൻ തന്നെ കെട്ടിപ്പുണരുന്ന ചാറ്റൽ മഴയോടൊപ്പം വീട്ടിലേക്കു നടന്നു….

ഡോറടയുന്നത് കേട്ട് വന്നു നോക്കിയ എമിലിയുടെ വിളി അവന്റെ ചെവിയിൽ എത്തിയില്ല….. ചുറ്റും നടക്കുന്നതൊന്നും കേൾക്കാത്തപോലെ, തല ആകെ മരവിച്ച അവസ്ഥയിൽ ആയിരുന്നു അവൻ…..

(തുടരും………….)

കുറച്ച് ലേറ്റ് ആയിപ്പോയി എന്നറിയാം….. കുറച്ച് പേർസണൽ പ്രശ്നങ്ങളിൽ പെട്ടുപോയി…… കുറച്ചു കൂടി പേജുകൾ ഉണ്ടാകണം എന്ന് കരുതിയതാണ്…. പക്ഷെ……..

എങ്കിലും വലിയ താമസം ഇല്ലാതെ ബാക്കി തരാം എന്ന് കരുതുന്നു…

പിന്നെ വായനക്കാരുടെ കമന്റുകൾ ആണ് എഴുതുന്നവർക്കുള്ള ഊർജം…..അത് കൊണ്ട് തന്നെ, ദയവായി വായനക്കും ശേഷം ഒരു വാക്കെങ്കിലും എനിക്ക് വേണ്ടി കുറിച്ചിട്ടു പോകുക…..
സ്നേഹപൂർവ്വം…..
???? ചെമ്പരത്തി ???