ദൗത്യം 09 [ശിവശങ്കരൻ] 200

 

************************************

 

“നീങ്ക ഇന്ദിരാദേവിയോട പയ്യൻ താനേ…” മാന്യമായി വേഷം ധരിച്ച കടുക്കനിട്ട ഒരു മൊട്ടത്തലയൻ വന്നു നീരജിനോട് ചോദിച്ചു.

 

“അതേ… നിങ്ങൾ…”

 

“അടാ… അക്കാവുക്ക് എന്നപ്പത്തി തെരിയാത്‌… യേ ന്നാ… നാ അവരോട ചിത്തി പയ്യൻ. അവങ്ക ഇങ്കെ നിന്നു പോനതുക്ക് അപ്പുറം താൻ നാ പൊറന്തേ…”

 

“ആ…” നീരജ് അയാൾക്ക്‌ നേരെ പുഞ്ചിരിച്ചു

 

“ഉനക്ക് മൊറപ്പടി നാൻ മാമ, എൻ പേര് കാശിനാഥൻ, ഉനക്കെന്ന കാശിമാമന്നെ കൂപ്പിടലാം… എന്ന…??”

 

അതും പറഞ്ഞു കാശി മാമ ചിരി തുടങ്ങി… അതോടൊപ്പം അവനെയും വിളിച്ചു അവിടെ കിടന്ന ഒരു വൈറ്റ് സ്കോർപിയോയിൽ മുന്നിൽ കയറി, ബാക്‌ഡോർ തുറന്ന് അവനെയും കയറ്റി… സിനിമയിലൊക്കെ കാണുന്ന പോലെ തന്നെ ഒരേ തരം വണ്ടികൾ നിരനിരയായി തങ്ങളുടെ ഫ്രന്റിലും ബാക്കിലും പോകുന്നത് കണ്ടപ്പോൾ നീരജിന് അത്ഭുതവും അതുപോലെ തന്നെ ചിരിയും വന്നു…

 

‘അപ്പൊ ഇവർ ഇങ്ങനൊക്കെ തന്നെയാണല്ലേ’ അവൻ മനസ്സിൽ ചിന്തിച്ചു…

 

“കാശി മാമാ ഒരു ഡൌട്ട് ചോദിച്ചോട്ടെ…”

 

“എന്നപ്പാ… എന്ന സന്ദേഗം…”

 

“കാശി മാമക്ക് വൈദ്യനാഥൻ എന്ന് പേരുള്ള ചേട്ടൻ ഉണ്ടോ…”

 

കാശിനാഥൻ അത്ഭുതത്തോടെ നീരജിനെ നോക്കി…

 

“ഉങ്കളുക്ക് എപ്പടി തെരിയും അന്ത ആളെ…?”

 

“ഇല്ല, ഞാൻ ചോദിച്ചതാ…”

 

“വൈത്തി അണ്ണാ വന്ത് എന്നോട അണ്ണൻ ഇല്ലേ ഉങ്ക അമ്മ ഇന്ദിരാ അക്കാവുട അണ്ണൻ… റൊമ്പ പാസമാന ആള്… ആളുടെ പൊണ്ണ് നന്ദ…. ദേവനന്ദ… കൊഞ്ചം നാളാ തെരിയാത് എങ്കെ ഇറുക്കെന്നു…”

ദേവയുടെ പേര് കേട്ടതും അവന്റെ മുഖം വാടി. “നാങ്കയെല്ലോരും നമ്മ പൊണ്ണുക്കാക തേടുമ്പോത്തു താൻ ഉന്നൈ പത്തി തെരിയ വായ്പ് വന്തത്… തേടി പാത്തതും അട നമ്മ പുള്ളേ… ആനാ… അക്കാവേ പാക്ക ധൈര്യമേ ഇല്ലേ… അപ്പൊ താൻ എങ്ക നമ്പർ പാത്തു പാത്തു ഉൻ അണ്ണൻ…”

 

“അണ്ണൻ ന്നു പറയുമ്പോ…” നീരജ് ഒരു സംശയത്തോടെ കാശിമാമയെ നോക്കി.

 

“അട, അന്ത പാർട്ടി തലൈവൻ ഇല്ലിയാ… അവൻ താൻ… എനക്ക് ഫോൺ പണ്ണി സൊല്ലിയത് നീ ഇങ്കെ വന്തിട്ടെ ഇറുക്ക്‌ ഉനക്ക് ഏതാവത് പ്രെചനയെന്ന പാത്തു സെയ്‌തുകൊടു മാമാന്നു… എൻ പുള്ളേങ്കളുക്ക് പ്രേച്ചനെയെന്നാ നാൻ ഇരുക്കമാട്ടേനാ…”