ദേവലോകം 12 [പ്രിൻസ് വ്ളാഡ്] 602

ദക്ഷ എരിയുന്ന തന്റെ ഗോഡൗണിന് മുന്നിൽ നിൽക്കുകയായിരുന്നു… അപ്പോഴാണ് ഒരാൾ അവളുടെ അടുത്തേക്ക് വന്നത് …
മാഡം ഷോർട്ട് സർക്യൂട്ട് ആയിരുന്നു… അകത്തുണ്ടായിരുന്ന സാധനങ്ങൾ മുക്കാൽ ഭാഗവും കത്തി നശിച്ചു…

അത് കേട്ടിട്ടും അവളുടെ മുഖത്തിന് യാതൊരു ഭാവമാറ്റവും ഉണ്ടായിരുന്നില്ല… കാരണം ആരോ അവൾക്ക് ഇന്നലെ തന്നെ ഇതിനെപ്പറ്റി അറിവ് നൽകിയിരുന്നു…. അതനുസരിച്ച് വിലപിടിപ്പുള്ള സാധനങ്ങൾ എല്ലാം ഇന്നലെ തന്നെ ഒരു കുഞ്ഞു പോലും അറിയാതെ മാറ്റി , പകരം ഡെമ്മി സാധനങ്ങൾ ആണ് അവിടെ വച്ചിരുന്നത്…. പക്ഷേ ആരാണ് തനിക്ക് ഇൻഫർമേഷൻ നൽകിയത് എന്നറിയാത്തത് അവളെ അലട്ടി….. അവൾ ഫോണെടുത്ത് ഇൻഷുറൻസ് ഏജന്റിനെ വിളിച്ചു…

ഹലോ ദക്ഷയാണ് ….ഫ്രം ദേവദക്ഷാ ഗ്രൂപ്പ് ഇവിടെ പോർട്ടിൽ ഉണ്ടായിരുന്ന ഞങ്ങളുടെ ഗോഡൗണിന് തീപിടിച്ചു… അതിൻറെ ഇൻഷുറൻസ് ക്ലൈമുകളും മറ്റും ഒന്ന് സ്പീഡ് ആക്കണം …അത്രയും പറഞ്ഞു അവൾ ഫോൺ കട്ട് ചെയ്ത് , തന്റെ ഡിഫെൻഡറിൽ കയറി ഓഫീസിലേക്ക് വിട്ടു.

*************************************
…………………..കൽക്കട്ട…………………

മൂഡിന് തീപിടിച്ചത് പോലെ നടക്കുകയായിരുന്നു അവർ മൂന്നുപേരും …അനിരുദ്ധ്… അമൻ …കാർത്തിക്…

കാർത്തിക് : നിൻറെ അച്ഛൻ പറഞ്ഞത് നേരാണോ ….അവൾ ജീവനോടെയുണ്ടോ??

അനിരുദ്ധ് : അതുതന്നെയല്ലേടാ ഞാൻ ഇത്രയും നേരം പറഞ്ഞുകൊണ്ടിരുന്നത്.. അവൾ ജീവനോടെ ഉണ്ടെന്ന് ..മാത്രമല്ല അവൾ തിരികെ തറവാട്ടിൽ എത്തുകയും ചെയ്തു.

അമൻ : അതിന് നീ എന്തിനാ ഇങ്ങനെ പേടിക്കുന്നത്? അന്ന് നീ മാസ്ക് ധരിച്ചല്ലെ അവളുടെ മുന്നിൽ നിന്നത്