ദേവലോകം 10 [പ്രിൻസ് വ്ളാഡ്] 441

എടീ കുറെ നാളായി സൂര്യനും വൈദേഹിയും രാവിലെ പുറത്തു എവിടെയോ പോകുന്നുണ്ട്… നിനക്കത് അറിയാമോ???

രുദ്ര : രാവിലെ… പുറത്തോ… എന്നെ കൂട്ടാതെയോ… അതെപ്പോൾ???

ദേവൻ : ബെസ്റ്റ്… എന്നാ മോൾ ഇപ്പോൾ അറിഞ്ഞോ ….അവർ കുറെ നാളായി ഈ പരിപാടി തുടങ്ങിയിട്ട്…

രുദ്ര : ഞാനറിഞ്ഞില്ലല്ലോ??? അല്ല അവർ എങ്ങോട്ടായി പോകുന്നത്??? അതുകണ്ട് പിടിച്ചോ???

ദേവൻ : ഞാൻ ആരാ മോൻ… ഈ അമരാവതിയിൽ ഒരു ഈച്ച അനങ്ങിയാൽ ദേവൻ അറിയും …നീ വാ… ദേവൻ രുദ്രയും കൂട്ടി തൻറെ കാറും എടുത്ത് പുറത്തേക്ക് പോയി…

ദേവൻറെ കാർ ചെന്നു നിന്നത് ദേവ് സെക്യൂരിറ്റീസിന്റെ ഷൂട്ടിംഗ് റേഞ്ചിലാണ്…

ഇവിടെ എന്താ??? രുദ്ര ചോദിച്ചു..

ഇവിടെയാണ് അവർ… നീ വാ പുറത്ത്..

ദേവനെയും കാത്ത് സമർ നിൽപ്പുണ്ടായിരുന്നു ….

അവർ അകത്തുണ്ടോ ??ദേവൻ സമറിനോടു ചോദിച്ചു ..

ഉണ്ട് ദേവേട്ടാ …ആഹാ ഇവളെയും കൊണ്ടുവന്നോ??? രുദ്രേയെ നോക്കി സമർ ചോദിച്ചു ..

അതെന്താണ് മിസ്റ്റർ സമർ …എനിക്കിവിടെ വന്നുകൂടെ ..രുദ്ര സമറിൻറെ തോളിൽ കൂടി കയ്യിട്ടു കൊണ്ട് ചോദിച്ചു…

അയ്യോ ഞാൻ അറിയാതെ ചോദിച്ചു പോയതാ… സമർ തൊഴുതു കൊണ്ട് പറഞ്ഞു.

രണ്ടുംകൂടി അവിടെ കിടന്നു അടി കൂടാതെ അകത്തേക്ക് വാ…. അവർ മൂന്നുപേരും കൂടി ഷൂട്ടിംഗ് റേഞ്ചിന് അകത്തേക്ക് പ്രവേശിച്ചു… അവിടെ കണ്ട കാഴ്ച ഒരേപോലെ ദേവനെയും രുദ്രയും സന്തോഷിപ്പിച്ചു…

മോഡേൺ ഔട്ട്‌ഫിറ്റിൽ വൈദേഹി നിൽക്കുന്നു …നൈക്കിയുടെ സ്പോർട്സ് ഷൂ ,ബ്ലൂ കളർ ജീൻസും വൈറ്റ് കളർ ടീഷർട്ടും ആണ് വൈദേഹിയുടെ വേഷം… മുടി പോണിടെയിൽ കെട്ടി വെച്ചിരിക്കുന്നു… ഇടംകൈ പിറകിലേക്ക് മടക്കിവെച്ച് വലം കയ്യിൽ പിസ്റ്റൽ പിടിച്ചു ലക്ഷ്യത്തിലേക്ക് ഷൂട്ട് ചെയ്യുകയാണ് വൈദേഹി …അവൾക്ക് വേണ്ടുന്ന നിർദ്ദേശങ്ങൾ നൽകി സൂര്യനും ഒപ്പം ഉണ്ട്…. വളരെ ഭംഗിയായി ഷൂട്ട് ചെയ്യുന്നുണ്ട് വൈദേഹി ….

അതുകണ്ട രുദ്ര വാ പൊളിച്ച് നിന്നുപോയി… സമറാണ് അവളുടെ കീഴ്ത്താടി തട്ടി അടച്ചത് …എന്നിട്ടും രുദ്ര അതേ നിൽപ്പ് തന്നെ നിൽക്കുകയാണ്… കൊച്ചിന്റെ കിളികളെല്ലാം പല വഴി പറന്നു പോയിരിക്കുന്നു…..

വൈദേഹി അത്യാവശ്യം ഭംഗിയായി തന്നെ ഷൂട്ട് ചെയ്യുകയും റീലോഡ് ചെയ്യുകയും ചെയ്യുന്നുണ്ട് ….അത് കണ്ട് ദേവൻ സമറിനോടായി …
അപ്പോൾ ഇത് ഇന്നും ഇന്നലെയും തുടങ്ങിയ പരിപാടിയല്ല… അല്ലേ????

അല്ല ദേവേട്ടാ….. കുറച്ചുനാളായി.. എല്ലാദിവസവും ആറുമണിമുതൽ പത്തുമണിവരെ രണ്ടുപേരും ഇവിടെ പ്രാക്ടീസ് ചെയ്യുന്നുണ്ട് ….സൂര്യൻ സാർ ആ സമയം അത്രയും വൈദേഹിയുടെ കൂടെ തന്നെ കാണും ഒരു പേഴ്സണൽ ട്രെയിനറെ പോലെ.. വൈദേഹിക്ക് പഠിച്ചെടുക്കാനുള്ള മനസ്സും സൂര്യൻ സാറിന് പഠിപ്പിക്കാനുള്ള കഴിവും ആവോളം ഉണ്ടല്ലോ….. അതുകൊണ്ടാണ് അവൾ ഇത്ര പെട്ടെന്ന് ഇത്രയും മെച്ചപ്പെട്ടത് ….സൂര്യൻ സാർ പറഞ്ഞതനുസരിച്ച് വൈദേഹിക്ക് ലൈസൻസിന് അപ്ലൈ ചെയ്തിട്ടുണ്ട് നാളെ കിട്ടും….

9mm ഹാൻഡ് ഗണ്ണിനല്ലേ അല്ലേ അപ്ലൈ ചെയ്തിരിക്കുന്നത് ???

അതേ ദേവേട്ടാ….