ദേവലോകം 10 [പ്രിൻസ് വ്ളാഡ്] 441

ഏകദേശം രാവിലെ 10 മണിയോടെ ദേവൻറെ മസ്താങ് മന്നാടിയാർ പാലസിന്റെ പോർച്ചിലേക്ക് വന്നു …ദേവൻ കാറിൽ നിന്നിറങ്ങി പതിവുപോലെ മുത്തച്ഛൻറെ ഫോട്ടോയ്ക്ക് മുന്നിൽ പോയി നിന്ന് തൊഴുതു പ്രാർത്ഥിച്ചു …പിന്നീട് ആരോടും മിണ്ടാതെ രാജശേഖരന്റെ മുറിയിലേക്ക് പോയി… അവിടെ കട്ടിലിൽ രാജശേഖരൻ ഏതോ ബുക്ക് വായിച്ചു കൊണ്ട് ഇരിക്കുകയായിരുന്നു ….ദേവൻ മുറിക്കകത്ത് കയറി കതക് ചാരിയ ശേഷം രാജശേഖരന്റെ മടിയിലേക്ക് കയറി കിടന്നു.

രാജശേഖരൻ താൻ വായിച്ചിരുന്ന ബുക്ക് മാറ്റാതെ തന്നെ…
ദേവാ …നീ എപ്പോ വന്നു ..യാത്രയൊക്കെ എങ്ങനെയുണ്ടായിരുന്നു…

അച്ഛന് എങ്ങനെ മനസ്സിലായി ഞാൻ ആണെന്ന്….. ദേവൻ രാജശേഖരന്റെയും തന്റെയും ഇടയിലായി രാജശേഖരന്റെ കയ്യിലിരുന്ന് ബുക്ക് മെല്ലെ മാറ്റിക്കൊണ്ട് ചോദിച്ചു….

അതിത്ര അറിയാൻ എന്തിരിക്കുന്നു ഇത്രയും അധികാരത്തോടെ ഈ രാജശേഖരന്റെ മടിയിൽ തല വയ്ക്കാൻ ഞാൻ ഒരാൾക്കേ അധികാരം കൊടുത്തിട്ടുള്ളൂ …അത് നിനക്ക് അല്ലേടാ… അയാൾ വാത്സല്യത്തോടെ ദേവൻറെ മുടിയിഴകളിൽ തഴുകി.. ദേവൻ ആ കൈപിടിച്ച് തൻറെ നെഞ്ചോട് ചേർത്തുവച്ചു…

അച്ഛാ …ഞാൻ അയാളെ കണ്ടു ..

………….ആരെ??????? …

………മിസ്റ്റർ ഭദ്രനെ………..

……………….ഭദ്രനോ ???????

അതെ അച്ഛാ…. അമ്മയുടെ… അവൻ പറഞ്ഞു ഒഴിപ്പിച്ചില്ല…

ജനിക്കാൻ നിമിത്തമായവനാണ് അങ്ങനെ പറയരുത്….. ദേവൻറെ തലയിൽ തലോടിക്കൊണ്ട് രാജശേഖരൻ പറഞ്ഞു.

പിന്നീട് ഒരു മൗനം അവരുടെ ഇടയിൽ തളംകെട്ടി നിന്നു ….രാജശേഖരനാണ് അത് ഭേദിച്ചത് ….

…..എന്നിട്ട് നീ സംസാരിച്ചോ????????

എന്തിന് ??????എന്തു പറയാൻ….. അതിൻറെ ആവശ്യമുണ്ടെന്ന് തോന്നിയില്ല…

ദേവാ ഞാൻ നിന്നോട് എല്ലാ കഥകളും പറഞ്ഞതല്ലേ??? ലക്ഷ്മിയുടെ ഭാഗത്തോ ഭദ്രൻെറ ഭാഗത്തോ യാതൊരു തെറ്റുമില്ല… സാഹചര്യങ്ങൾ….. സാഹചര്യങ്ങളാണ് അവരെ അകറ്റിയത്…. അല്ലെങ്കിൽ നീ ഇന്ന് ദേവലോകം തറവാട്ടിലാണ് നിൽക്കേണ്ടിയിരുന്നത്……. അയാളുടെ മകനായി …….

അച്ഛാ ഞാൻ എന്തും സഹിക്കും…… പക്ഷേ എൻറെ അച്ഛൻറെ സ്ഥാനത്ത് വേറൊരാളെ വാക്കാൽ പോലും ഞാൻ അംഗീകരിക്കില്ല… ഈ ദേവന് ഈ ജന്മത്തിൽ എന്നല്ല എല്ലാ ജന്മത്തിലും ഈ രാജശേഖരൻ തന്നെയായിരിക്കും പിതാവ്….. അവൻ രാജശേഖരന്റെ കൈകളെ ഒന്നുംകൂടി നെഞ്ചോട് ചേർത്തുപിടിച്ചു…. ഒരിക്കലും വിടില്ല എന്നപോലെ……

  അന്ന് ആ മലവെള്ളപ്പാച്ചിലിൽ നിന്ന് എനിക്ക് ലക്ഷ്മിയെ കിട്ടുമ്പോൾ അവളുടെ ഉള്ളിൽ നീ ഉണ്ടായിരുന്നു …പിന്നീട് ഏഴുമാസം വരെ അവൾക്ക് യാതൊരു ബോധവും ഉണ്ടായിരുന്നില്ല , ഓർമ്മയുടെ ആദ്യ നിമിഷങ്ങളിൽ അവൾ അന്വേഷിച്ചതും അയാളെയാണ് ഭദ്രനെ…. പിന്നീട് അയാളെ തേടിയുള്ള അന്വേഷണമായി ഞാൻ …..പക്ഷേ മംഗലാപുരത്ത് അയാളെ കണ്ടെത്തുമ്പോഴേക്കും അയാൾ വിവാഹിതനായിരുന്നു… അയാളെ ചികിത്സിച്ചിരുന്ന ഡോക്ടറെ തന്നെയാണ് അയാൾ വിവാഹം കഴിച്ചത്.