ദീപങ്ങൾ സാക്ഷി 4 [MR. കിംഗ് ലയർ] 676

എസ് ഐ എല്ലാവരെയും നോക്കി വെളുക്കെചിരിച്ചുകൊണ്ട് പറഞ്ഞു….അയാൾ ഇവിടെ ഇത്രയും നേരം ഉണ്ടായാന്ന് താന്നെ എനിക്ക് ഇപ്പോൾ ആണ് മനസിലായത്…

“””എനിക്ക് ആദീയോടും ജയനോടും കുറച്ചു സംസാരിക്കാൻ ഉണ്ട്… “””

ശോഭമ്മയുടെ തോളിൽ മുഖം അമർത്തി കരയുന്ന അഞ്ജലിയെ എന്റെയും അച്ഛന്റെയും അരികിലേക്ക് കൊണ്ട് വന്ന ശേഷം അഞ്ജലിയുടെ അച്ഛൻ പറഞ്ഞു.

“”””എനിക്ക്.. ഇനി ഒരു മോളുകൂടെ ഉണ്ട്… ചേച്ചിയെ ഇങ്ങനെ ഒരു കാര്യത്തിന് പോലീസ് അറസ്റ്റ് ചെയ്‌തെന്ന് അറിഞ്ഞാൽ അവളുടെ ഭാവി ഇല്ലാതെയാവും അതുകൊണ്ട് അവളുടെ കല്യാണം കഴിയും വരെ അഞ്ജലി വീട്ടിലേക്ക് വരരുത്….”””””

അയാൾ ഒറ്റ ശ്വാസത്തിൽ പറഞ്ഞു…

അച്ഛൻ പറഞ്ഞത് കേട്ട് അഞ്ജലി പൊട്ടി കരഞ്ഞു പോയി….അവളുടെ വാവിട്ടുള്ള നിലവിളി കേട്ടിരിക്കാൻ എനിക്ക് ആയില്ല…

“””അച്ഛാ… ഞങ്ങൾ ഇങ്ങനെ ചെയ്യുമെന്ന് നിങ്ങളെല്ലാവരും വിചാരിക്കുന്നുണ്ടോ… അല്ലേൽ എന്റെ കാര്യം വിട്ട്ടേക്ക് അച്ഛന്റെ മോള് ഇങ്ങനെയൊക്കെ ചെയ്യും എന്ന് അച്ഛൻ വിശ്വസിക്കുന്നുണ്ടോ…?”””

ഞാൻ അൽപ്പം ദേഷ്യത്തിൽ തന്നെ അവളുടെ അച്ഛനോട് ചോദിച്ചു….

“””എനിക്ക് ആരെയും വിശ്വാസം ഇല്ല….എന്റെ കുട്ടിയുടെ ഭാവി ആണ് ഇപ്പോൾ എനിക്ക് വലുത് അതുകൊണ്ട് ഇവളെ എനിക്ക് മനഃപൂർവം മറന്നേ പറ്റു… ഇനി അഞ്ജലിക്ക് മേൽ ഞങ്ങൾ ആർക്കും തന്നെ അവകാശം ഇല്ല… എല്ലാം ആദീയുടെ കൈയിൽ ഞാൻ ഏല്പിക്കുന്നു… “””””

അതും പറഞ്ഞു അയാൾ അല്ലിയുടെ കൈ പിടിച്ചു എന്റെ ഉള്ളം കൈലേക്ക് വെച്ചു തന്നു…അവൾ എങ്ങലിടിച്ചു കരയുകയാണ്….അച്ഛൻ വേറെയൊന്നും തന്നെ പറയാതെ നിറ മിഴികളോട് തിരിഞ്ഞു നടന്നു….അവളുടെ അമ്മയുടെ അവസ്ഥയും മോശം അല്ല.. അവരും കണ്ണുനീർ പൊഴിക്കുവാണ്…

?????

വീട്ടിൽ എത്തിയതും ആരതി ഉഴിഞ്ഞു നിലവിളക്ക് കൊടുത്തു ഞങ്ങളെ അകത്തേക്ക് സ്വീകരിച്ചത് ചേച്ചി തന്നെ ആണ്… അമ്മയെ അവിടെയും കണ്ടില്ല ഞാൻ….

അകത്ത് കയറിയ ഉടനെ അഞ്ജലിയെ ചേച്ചി അകത്തേക്ക് കൂട്ടികൊണ്ട് പോയി… ഞാൻ നേരെ എന്റെ റൂമിലേക്ക് പോയി… നന്നായി ഒന്ന് കുളിച്ചു… ചുട്ട് പൊള്ളുന്ന മനസ് തണുത്ത വെള്ളത്തിനിടയിൽ നിന്നു തണുപ്പിക്കാനുള്ളാ പാഴ് ശ്രമം…