ദി ഡാർക്ക് ഹവർ 10 {Rambo} 1727

പിന്നെ…അത്….

അയാളെ ഇതുവരെ ആരും നേരിട്ട് കണ്ടിട്ടുമില്ലല്ലോ…
ആൻഡ് മോർഓവർ എല്ലാവരും പറയുന്നത് അയാളൊരു ഡെവിൾ ആണെന്നല്ലേ സർ..???””

നിത്യയുടെ ചോദ്യം ഐജിയെ ചിരിപ്പിക്കുകയാണ് ചെയ്തേ…

“”നിത്യാ…

നീയേത് യുഗത്തിലാണ് ജീവിക്കുന്നത് എന്നോർക്കണം..

ഇന്നുവരെ ആരും ഈ ക്വീൻസിനെത്തന്നെ നേരിട്ട് കണ്ടിട്ടില്ലായിരുന്നല്ലോ..
അതുപോലെ അയാളുടെയും മുഖംമൂടി അഴിഞ്ഞുവീഴുകതന്നെ ചെയ്യും…””
ഐജിയുടെ വാക്കുകളിൽ അദ്ദേഹത്തിന്റെ ആത്മവിശ്വാസം പ്രകടമായിരുന്നു…

“”അപ്പൊ ഈ ജീവൻ…??

അയാൾക്ക് എങ്ങനെ റേവൻസുമായി ബന്ധം..???””
ജോണും തന്റെയുള്ളിൽതോന്നിയ സംശയങ്ങൾ ചോദിച്ചു..

“”ഹമ്മ്…

ഇപ്പൊ നമ്മുടെ രാജ്യത്തിന്റെ തലവൻ…അതായത് റേവൻസിന്റെ ഇവിടുത്തെ കാര്യങ്ങളെല്ലാം നോക്കി നടത്തുന്നത് വൺ മിസ്റ്റർ ലൂഥർ ആണ്..

പക്ഷേ…ഇതുതന്നെയാണെന്നതിന് ഒരു തെളിവും എവിടേയുമില്ല…

എന്തിന്…
അയാൾക്കെതിരെ ഇതുവരെ ഒരു കേസുപോലും എവിടെയും റിപ്പോർട്ട് ചെയ്തിട്ടില്ല…””
ഐജി ഇരുവരെയും നോക്കിക്കൊണ്ട് തുടർന്നു…

“”ഈ ജീവൻ…

അവന്റെ ബാക്ക്ഗ്രൗണ്ട് ഇച്ചിരി പിശകാണ്..

കാരണം…പണ്ട് ഇയാളുടെ അച്ഛനെ റേവൻസിന്റെ തലവൻ എന്ന് കരുതിയാണ് അറസ്റ്റ് ചെയ്തത്…
ആൻഡ്…അയാൾ അവിടെവെച്ച് കൊല്ലപ്പെടുകയും ചെയ്തു…