ദി ഡാർക്ക് ഹവർ 10 {Rambo} 1727

ഇതേസമയം…

നിത്യയവിടെ…ഒരു ചുക്കും ലഭിക്കാതെ വെറുതെ ആ ബുക്കിലേക്കും നോക്കിയിരിപ്പായി…

രണ്ട് ചെറിയ ബുക്കും പിന്നെയൊരു ഡയറിയുമായിരുന്നു അവളുടെ കയ്യിലുണ്ടായിരുന്നത്….

ചുമ്മാ ഒരിക്കൽകൂടെ മറിച്ചുനോക്കിയശേഷം…അതെടുത്ത് മേശപ്പുറത്തേക്കെറിഞ്ഞു…

ചെന്ന് വീണതും..അതിന്റെ കട്ടിയുള്ള പുറംചട്ട ചെറുതായൊന്ന് വിടർന്നു…
അതിലൂടെ അതിനകത്ത് സൂക്ഷിച്ചിരുന്ന രീതിയിൽ ഒരു പേപ്പറും വെളിവായി…

പക്ഷേ…ഇതൊന്നും നിത്യ കണ്ടതേയില്ല…!!!

 

×××××××

 

ചെറിയ വ്യായാമത്തിന്ശേഷം തന്റെ പൂളിൽ കുളിക്കുകായിരുന്നു ലൂഥർ..

ആ ഭാഗത്ത്…പൂളിലേക്ക് മാത്രമായി ഒരു ബൾബ്മാത്രമേ പ്രകാശിപ്പിച്ചിരുന്നുള്ളൂ..
ബാക്കി ചുറ്റുഭാഗവും ഇരുട്ട് വീണിരുന്നു..

 

അന്നേരം…
ഒരാൾ അങ്ങോട്ടേക്ക് നടന്നടുത്തു…

 

“”പപ്പാ…..

എന്താണ് വരാൻ പറഞ്ഞേ…

എനിതിങ് അർജന്റ്….??””

“”ഹമ്മ്….

അയാൾ വന്നിട്ടുണ്ടെടോ…”””

“”വാട്ട്…ദി….

എന്നിട്ട്…അദ്ദേഹം എന്ത് പറഞ്ഞു…??””

“”ഹമ്മ്…

അവനെ അയാൾക്ക് വേണമെന്ന്…”””

“”ബട്ട് പപ്പാ….

ഇത്രയും സില്ലി മാറ്ററിന് അദ്ദേഹം വരേണ്ടതുണ്ടോ….??””

“”ഇല്ലാ….
ഇത്രയും നിസ്സാരകാര്യങ്ങളൊന്നും അയാൾ നേരിട്ടിറങ്ങാത്തതാണ്…
പക്ഷേ…ആ ഇരട്ടകളെ കൊന്നതിൽ അയാൾക്ക് നല്ല കലിപ്പുണ്ട്..

ഒരുപക്ഷേ…അതായിരിക്കാം ഇങ്ങോട്ട് വരാൻ പ്രേരിപ്പിച്ചത്…!!!”””