ഗതികെട്ടവൻ( മാലാഖയുടെ കാമുകൻ) 1271

ആഹാ ഹമ്പടി കള്ളി.. പരീക്ഷണം ആണല്ലേ?? ഇവൾക്ക് ഞാൻ ആരാ ആണെന്ന് കാണിച്ചു കൊടുക്കണം.. കുട്ടപ്പനോട് ആണ് കളി.. ഹിഹി.. അവൻ മനസ്സിൽ പറഞ്ഞു

“അയ്യേ…. ഞാൻ ആ ടൈപ്പ് അല്ല…”

കുട്ടപ്പൻ മനസ്സിൽ അലറിച്ചിരിച്ചുകൊണ്ട് അവളെ തള്ളി മാറ്റി.. എന്നോടാ കളി..

“എന്താ കുട്ടപ്പാ..?”

അവൾ പകപ്പോടെ ചോദിച്ചു..

“അതെ എനിക്ക് പറ്റില്ല.. ഞാൻ പാവം ആണ്. വിവാഹത്തിന് മുൻപേ ഞാൻ നിന്നെ തൊടില്ല മരിയെ.. എന്റെ പ്രേമം നിന്റെ ആത്മാവിനോട് ആണ്. ശരീരത്തോട് അല്ല.. എന്നും നിന്റെ ആത്മാവിനോട് ആണ് എനിക്ക് പ്രണയം..നിനക്കും അങ്ങനെ ആകണം…”

അവൻ നെഞ്ചിൽ കൈവച്ചു പ്രേമത്തോടെ പറഞ്ഞപ്പോൾ അവൾ കണ്ണും മിഴിച്ചു നിന്നു..

“അല്ലെ മരിയെ.? അങ്ങനെ അല്ലെ..?”

അവൻ വീണ്ടും പ്രേമത്തോടെ ചോദിച്ചു.. അവൾ ഒരു ചിരി ഉണ്ടാക്കി..

“അതെ കുട്ടപ്പാ.. അതെ.. “

അവൾ അതും പറഞ്ഞു വേഗം ബെഡിൽ കിടന്നു ഷീറ്റു വലിച്ചു തല മൂടി..

“എന്നോടാണ് കളി.. കുട്ടപ്പൻ വേറെ ലെവൽ ആണ് മോളെ.. അവൾക്ക് ഇപ്പോ വിശ്വാസം ആയിട്ടുണ്ടാകും എന്നെ.. ഹിഹി..അതാണ് പെട്ടെന്ന് കിടന്നത്…”

അവൻ സന്തോഷത്തോടെ പിറുപിറുത്തുകൊണ്ട് ബെഡിൽ മാറി കിടന്നു.. അവളെ വിശ്വസിപ്പിച്ച കുട്ടപ്പൻ സന്തോഷത്തോടെ ഉറങ്ങി..

രാവിലെ എണീറ്റ കുട്ടപ്പൻ ബെഡിൽ മരിയയെ കണ്ടില്ല.. പകരം ഒരു ലെറ്റർ ഉണ്ടായിരുന്നു..

“കുട്ടപ്പൻ ക്ഷമിക്കണം.. ഞാൻ പോകുന്നു.. ഇനി എന്നെ അനേഷിക്കരുത്. ഒരു പെണ്ണ് എന്തിനും തയാറായി നിന്നപ്പോൾ പ്രേമം ആത്മാവിനോട് മാത്രം ആണെന്ന് പറഞ്ഞപ്പോൾ എനിക്ക് കാര്യം മനസിലായി. കുട്ടപ്പന് ശാരീരികമായി എന്തോ ഒരു കുഴപ്പം ഉണ്ട് അല്ലെ..? സാരമില്ല കുട്ടപ്പാ.. നല്ലൊരു ഡോക്ടറെ കണ്ടാൽ മതി.. ബോഡി ഉണ്ടായിട്ട് മാത്രം കാര്യമില്ല കുട്ടപ്പാ.. കാര്യങ്ങൾ നടക്കണമല്ലോ..! അപ്പോൾ ശരി.. ഞാൻ പോകുന്നു.. എന്നെ അനേഷിക്കരുത്.. എന്ന്‌ മരിയ…”

“ങേ..!!! എന്റെ തെക്കേലെടത്തമ്മേ… പണി പാളിയല്ലോ ഈശോയെ…..!”

കത്ത് വായിച്ച കുട്ടപ്പൻ മലർന്നടിച്ചു പുറകോട്ട് വീണു.. മണിക്കൂറുകൾ കഴിഞ്ഞും ബോധം തെളിയാതെ അവിടെ കിടക്കുമ്പോൾ

“എന്നെപോലെ ഗതികെട്ടവൻ വേറെ ആരുണ്ട് എന്റെ ഈശോയെ..” എന്ന ചോദ്യം മാത്രം ബാക്കി…