കൃഷ്ണവേണി XIII( രാഗേന്ദു) 1734

“എന്തോ ഡ്രഗ് ആണ്. മയക്കത്തിൽ ആണ്..”

അവൾ വേണിയെ നോക്കി പറഞ്ഞു.. അവൻ അവളെ കോരി എടുത്തു.

“മാം.. ഒരു റിക്വസ്റ്റ് ഉണ്ട്. കൃഷ്ണയെ മനപ്പൂർവം ഇട്ടു കൊടുത്തതാണ് എന്ന് കൃഷ്ണ അറിയരുത്.. അവൾക്ക് അത് വേദനയുണ്ടാക്കും. മാം പുറകെ ഉണ്ടായിരുന്നു എങ്കിലും… “

അവൻ പറഞ്ഞത് കേട്ടപ്പോൾ ലിസ ചിരിച്ചു.

“ഓക്കേ മാൻ. അവളോട് ഒന്നും പറയണം എന്നില്ല. ഈ കേസിൽ അവൾക്ക് ഇനി ഒരു പ്രശ്നവും ഉണ്ടാകില്ല എന്നല്ല ഈ കൂട്ടത്തിൽ നിന്നും നിന്നെയോ ഇവളെയോ തിരക്കി ആരും വരില്ല. ഇതെന്റെ വാക്ക് ആണ്.. യു ക്യാൻ ലീവ് നൗ. റിമെംബേർ.. ഒരാളും ഇതൊന്നും അറിയരുത്.. നിന്റെയോ അവളുടെയോ പേരും വരില്ല. ഗോ നൗ..

പിന്നെ ഇവളെ കൊണ്ടുപോകേണ്ടത് ഡോക്ടർ അർച്ചന റോഷന്റെ അടുത്തേക്ക് ആണ്. അവൾ പുറത്ത് അറിയാതെ ഡീൽ ചെയ്തോളും. ഞാൻ പറഞ്ഞിട്ടുണ്ട്..”

ലിസ പറഞ്ഞു നിർത്തി.

“താങ്ക് യു മാം.. ഈ ഉപകാരം ഒരിക്കലും മറക്കില്ല.. താങ്ക് യു..”

“ഇറ്റ്‌സ് മൈ ഡ്യൂട്ടി, മാൻ.. സീ യു. ബൈ..”

അവൾ അത് പറഞ്ഞു ഫോൺ എടുത്തു ആർക്കോ വിളിച്ചപ്പോൾ ആഷ്‌ലി വേണിയെ എടുത്തു പുറത്തേക്ക് നടന്നു.. ഒരു കൊച്ചു ആംബുലൻസ് അവർക്കായി കാത്തു കിടന്നിരുന്നു. അവളെ അതിൽ കിടത്തി. അത് മുൻപോട്ട് കുതിച്ചു..

****