കൃഷ്ണവേണി XIII( രാഗേന്ദു) 1734

വിറയലോടെ ആണ് അതെല്ലാവരും കണ്ടത്..

“മാൻ.. യു ആർ അപ്..”

അവൾ പുറകോട്ട് നോക്കി പറഞ്ഞതും അകത്തേക്ക് കയറി വന്നു ആഷ്‌ലി.. വേണി അവനെ കണ്ടു..

എന്നാൽ ചിന്തിക്കുന്നതിലും മുൻപേ അവൾ മയങ്ങി വീണിരുന്നു.. കസേരയിൽ നിന്നും നിലത്തേക്ക് വീണവളെ വേദനയോടെ ആണ് ആഷ്‌ലി കണ്ടത്.. അവൻ അരിശത്തോടെ അവരെ നോക്കി.

“നീ…”

ബോബ്ബിയുടെ അച്ഛൻ അവളെയും അവനെയും ഒന്ന് മാറി മാറി നോക്കി.

“വിളിക്കഡാ അവന്മാരെ.. ഒരുത്തി കൂടെ ആയി.. കൊന്നു തള്ളടാ ഇവരെ..”

അയാൾ അലർച്ചയോടെ അവർക്ക് ഉത്തരവ് കൊടുത്തു..

ആരും അനങ്ങുന്നില്ല.. എല്ലാവരും ആ പെണ്ണിനെ ആണ് നോക്കുന്നത്..

“എന്താടാ നോക്കുന്നത്..?? ”

അയാൾ അലറി..

“അത്..അത് മുതലാളി.. ആ പെണ്ണ്
കൊച്ചിയിലെ പുതിയ എസിപി ആണ്.. മോണാലിസ .. ”

ഒരു വിറയലോടെ പുറകിൽ നിന്ന് ഒരാൾ പറഞ്ഞു നിർത്തിയപ്പോൾ ഞെട്ടലോടെ ആണ് ബോബ്ബിയുടെ അച്ഛൻ അത് കേട്ടത്.. എല്ലാവരും പരസ്പരം നോക്കി..

“നിന്റെ ചാൻസ് ആണ് മാൻ. ഇത് കഴിഞ്ഞാൽ ഇവരെ തൊടാൻ പോലും ആർക്കും കിട്ടില്ല…”

അവൾ ആഷ്‌ലിയോട് അത് പറഞ്ഞു വേണിക്ക് നേരെ നടന്നു.

“കൊല്ലടാ അവളെ..”

ബോബിയുടെ അച്ഛൻ അലറിയതും ഇടക്ക് കത്തിയുമായി കയറി നിന്ന ഒരുവന്റെ കഴുത്തിന് തന്നെ ഒരു പഞ്ച് കൊടുത്തു അവൾ വേണിയെ വലിച്ചു പൊക്കി എടുത്തു..

വന്യതയോടെ ആണ് ആഷ്‌ലി മുൻപോട്ട് കുതിച്ചത്.. അവന്റെ മുട്ടുകാൽ ആദ്യം കൊണ്ടത് ബോബിയുടെ അച്ഛന്റെ നെഞ്ചിൽ ആയിരുന്നു.. അയാൾ തെറിച്ചു പോയപ്പോൾ അവൻ പമ്പരം കറങ്ങും പോലെ കറങ്ങി രണ്ടു പേരെ അടിച്ചു നിലത്തിട്ടു.