കൃഷ്ണവേണി XIII( രാഗേന്ദു) 1734

അവൾ പോകുന്നതിനു തലേ ദിവസം അവൻ ഒരു ഹോട്ടലിൽ പാർട്ടി ഒരുക്കി.. അവൾക്ക് ഇടാൻ ഒരു റെഡ് കളർ ചുരിദാർ വാങ്ങി.. നല്ല ഭംഗി ഉണ്ടായിരുന്നു അവളെ അതിൽ കാണാൻ.. അവർ എല്ലാവരും അവളുടെ വിജയത്തിൽ സന്തോഷിച്ചു.. പാർട്ടി കഴിഞ്ഞ് എല്ലാവരും പിരിഞ്ഞു.. അവനും അവളും നേരെ ഫ്ലാറ്റിലേക്ക് ചെന്നു..

രാവിലെ ആണ് അവളുടെ ഫ്ലൈറ്റ്.. ഇതിനു മുൻപ് ഒരു ദിവസം  അവൾ വീട്ടിൽ പോയി എല്ലാവരെയും കണ്ട് അനുഗ്രഹം വാങ്ങി.. കൂടെ അവന്റെ തറവാട്ടിൽ പോയി.. മുത്തശ്ശനെയും മുത്തശ്ശിയെയും കണ്ടിരുന്നു..

എല്ലാവർക്കും ഒരുപാട് സന്തോഷം ആയിരുന്നു.

“കൃഷ്ണ ഗുഡ് നൈറ്റ്.. രാവിലെ കാണാം സ്ലീപ് വെൽ..”

അവൾ ഒന്ന് മുളി ശേഷം പോയി കിടന്നു..

രാവിലെ അവൾ എണീറ്റു.. ഇന്ന് അവൾക്ക് പോവേണ്ട ദിവസം ആണ്. അവൻ അവളെ എയർപോർട്ടിൽ കൊണ്ടുവിടാൻ റെഡി ആയി ഇരിക്കുന്നുണ്ട്..

അവൾ റെഡി ആയി ബാഗ് എടുത്ത് മുറിയുടെ പുറത്തേക്ക് ഇറങ്ങി..

“പോവാം കൃഷ്ണ.. കാർ ഞാൻ വരാൻ പറഞ്ഞിട്ടുണ്ട്..”

അവൻ പറഞ്ഞപ്പോൾ അവൾ അവന്റെ മുഖത്തേക്ക് നോക്കി.. നിറഞ്ഞ സന്തോഷം ആണ് അവിടെ..

“സർ.. എന്ത് പറയണം എന്നറിയില്ല.. ഒരുപാട് നിങ്ങൾ എനിക്ക് വേണ്ടി ചെയ്തു.. എന്നെ ഇവിടേം വരെ എത്തിച്ചത് നിങ്ങൾ ആണ്.. അതിനു നന്ദി പറഞ്ഞ് ഞാൻ അതിനെ കൊച്ചാക്കുന്നില്ല.. ഒരു വർഷം അതിന്റെ ഇടയിൽ എന്തൊക്കെയോ നമ്മുടെ ജീവിതത്തിൽ നടന്നു.. നമ്മൾ കണ്ടുമുട്ടിയത്, കല്യാണം.. തെറ്റിദ്ധാരണകൾ.. പക്ഷെ ഒക്കെ നല്ലാതിനായിരുന്നു എന്ന് ഇപ്പൊ തോന്നുന്നു..”

അവൾ പറഞ്ഞപ്പോൾ അവൻ ഒന്നും മനസ്സിലാവാതെ അവളുടെ മുഖത്തേക് നോക്കി അവിടെ മുഖത്തു പുഞ്ചിരി ആണ് കണ്ണുകൾ നിറയുണ്ടോ..