കൃഷ്ണവേണി XIII( രാഗേന്ദു) 1734

ഞാൻ അടുക്കളയിൽ പോയി ഒരു ഗ്ലാസ് വെള്ളം എടുത്തതും മുൻപിലേക്ക് ഒരു കൈ നീണ്ടു.. കണ്ണ് മിഴിഞ്ഞു പോയി.. ഗോൾഡ്‌ മെഡൽസ്..

ഞാൻ തിരിഞ്ഞു നോക്കി അവിടെ ചിരി ആണ് കണ്ണുകൾ നിറഞ്ഞിരിക്കുന്നു..

“സോ പ്രൗഡ് ഓഫ് യു.. അറിയമായിരുന്നു നി വെറും കൈയോടെ വരില്ല എന്ന്..”

വല്ലാത്ത ഒരു സന്തോഷം ആണ് എനിക്ക് അപ്പോൾ ഉണ്ടായത്..

ഞാൻ അതൊക്കെ വാങ്ങി നോക്കി.. അവൾ എന്റെ മുഖത്തെ സന്തോഷം അസ്വദിക്കുകയാണെന് തോന്നി..

“കോണ്ഗ്രാട്‌സ് കൃഷ്ണ..”

“താങ്ക് യു സർ.. ഐ ടോൾഡ് യു ഐ വിൽ നോട്ട് ലെറ്റ് യു ഡൗണ് എന്ന്..”

“മ്മ്മ്..”

” ഇനി സർ പറഞ്ഞത് പോലെ എന്റെ ലക്ഷ്യം നേടി എടുക്കണം.. അതിനു എത്ര ഹാർഡ് വർക്ക് ചെയാനും ഞാൻ ഒരുക്കം ആണ്..”

അവൾ അത് പറഞ്ഞു മുറിലേക്ക് നടന്നു..

വൈകുന്നേരം ലിനുവിനെയും രേവതിയെയും മിഷേൽ ജോണ് എല്ലാവരെയും വിളിച്ചു ഒരു ചെറിയ പാർട്ടി പോലെ വെച്ചു.. അവൾക്ക് ഒരു സന്തോഷം ആവട്ടെ എന്ന് കരുതി..റീന ചേച്ചി ആയിരുന്നു ഫുഡ്.. അവളുടെ വീട്ടിൽ വിളിച്ചു പറഞ്ഞപോൾ അവർക്ക് ഒത്തിരി സന്തോഷം ആയിരുന്നു .

എല്ലാം കഴിഞ്ഞ് അവർ എല്ലാവരും പിരിഞ്ഞു.. ഞങ്ങൾ രണ്ടാളും ചേർന്ന് ഡിഷ്‌ വാഷ് ചെയ്തു.. അവൾക്ക് ഇത്രേം നാളത്തെ ഉറക്ക ക്ഷീണം ഉണ്ടായിരുന്നു.. ഞങ്ങൾ പണിയൊക്കെ കഴിഞ്ഞു കിടന്നു.. അടുത്ത ദിവസം അവൾക്ക് കോളേജിൽ അസ്സെംബ്ലിയിൽ വച്ച് പ്രിൻസിപ്പൽ അവളെ അനുമോദിച്ചു..

ദിവസങ്ങൾ മാസങ്ങൾ ആയി പിന്നെയും കടന്നു പോയി..ക്ലാസും എന്റെ ട്രൈനിങ്ങും ഒക്കെ അതിന്റെ രീതിയിൽ നടന്നു….

ഇപ്പൊ അവൾ എല്ലാം നന്നായി ചെയ്യുന്നുണ്ട്.. കൂടെ ഞാൻ അവൾക്ക് ബുക്സ്റ്റാളിൽ നിന്നും എയർഫോഴ്സ് കോമണ് അഡ്മിഷൻ ടെസ്റ്റിന് വേണ്ടി പ്രീപെർ ചെയ്യാൻ ഉള്ള ബുക്ക് വാങ്ങി കൊടുത്തു.. അവൾക്ക് ഒരു ടൈം ടേബിൾ വച്ച് ഞാൻ എല്ലാം സെറ്റ് ആക്കി കൊടുത്തു..