കഥ പറയുമ്പോൾ… (ജ്വാല ) 1272

കണ്ണുകൾ കൊണ്ട് പ്രണയം പിന്നെയും നീണ്ടു, അടുത്ത കല്യാണാലോചന വരുന്നതിനു മുൻപ് ഞങ്ങൾ ഒളിച്ചോടി.

ഒരു പാതിരാത്രി കാക്കുവിന്റെ കൈയും പിടിച്ചു ഞങ്ങൾ ഇറങ്ങി,

ലക്ഷ്യമില്ലാത്ത യാത്ര ആയിരുന്നില്ല സഖാവിനെ തേടിയായിരുന്നു, കാക്കുവിന്റെ വകയിൽ ഉള്ള ഒരു ജേഷ്ഠൻ ആണ് സഖാവിനെപ്പറ്റി പറഞ്ഞു കൊടുത്തത്.

ഒരു പിടി വള്ളി അത്രയേ ഞങ്ങളും ആഗ്രഹിച്ചിരുന്നുള്ളൂ, പക്ഷെ ഞങ്ങൾക്ക് ഇവിടെ സ്വർഗ്ഗം തന്നെയാണ് സഖാവ് ഒരുക്കി തന്നത്.

സ്വന്തം ജേഷ്ഠനും, ഭാര്യയേയും പോലെ തന്നെ ഇപ്പോഴും അവരുടെ ദയാവായ്പ്പിൽ…

ഉമ്മാ കഥ പറഞ്ഞു നിർത്തിയപ്പോൾ കണ്ണുകളിൽ നിന്ന് കുറേശ്ശേ വെള്ളം പൊടിയുന്നുണ്ടായിരുന്നു.

ബാപ്പ ഉമ്മാടെ വീട്ടിൽ നിന്നുള്ള ആരെയും കണ്ടിട്ടില്ലേ ?

എന്റെ മകന്റെ ചോദ്യം വർത്തമാനകാലത്തിലേക്ക് മടക്കി കൊണ്ട് വന്നു.

ഞാൻ ഒന്ന് പുഞ്ചിരിച്ചു പിന്നെയും കഥ പറഞ്ഞു തുടങ്ങി. അന്ന് സഖാവ് എന്നേ അടിച്ചതിനു ശേഷം കോളേജിൽ കൂട്ടി കൊണ്ട് പോയി അഡ്മിഷൻ ഒക്കെ വാങ്ങി തന്നു.

കോളേജിൽ പോക്ക് അങ്ങനെ തുടങ്ങി സഖാവിനു ഒരു വാശി പോലെ ആയിരുന്നു എന്നേ കൂലി പണിക്ക് ഒന്നും വിട്ടില്ല പകരം പഠിക്കാനായി എന്തും ചെയ്തു തരുമായിരുന്നു.

ഞാൻ ജോലിക്കാരനായി വരുന്നത് കാണാൻ സഖാവ് ഒത്തിരി കൊതിച്ചു.

ഒരു ദിവസം കോളേജിൽ നിന്ന് വരുമ്പോൾ വീടിന് മുന്നിൽ കുറച്ച് ആൾക്കാർ നിൽക്കുന്നത് ദൂരെ നിന്ന് കാണുന്നുണ്ടായിരുന്നു,

എന്റെ അള്ളോ…

ഉമ്മ …
ഉള്ളിൽ നിറഞ്ഞ ഭീതിയോടെ ഞാൻ വേഗം വീട്ടിലെത്തി, അപരിചിതരായ രണ്ട് പേര് സഖാവുമായി സംസാരിക്കുന്നു,