ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 4 (Pravasi) 1893

അത് നിലായ്ക്കും ഉണ്ടെന്ന് തോന്നുന്നു…. അവൾ അതുലിനെ വെള്ളത്തിൽ ഇറങ്ങാൻ സമ്മതിക്കാതെ കരയിൽ നിറുത്തി കാടിന് ഉള്ളിലേക്ക് കയറി…

അല്പസമയം കഴിഞ്ഞു അവൾ വരുമ്പോൾ കയ്യിൽ കുറച്ച് മരച്ചില്ലകൾ ഉണ്ടായിരുന്നു.. മുള്ളോ ഇലകളോ എന്ന് മനസിലാക്കാൻ ആവാത്ത നിറയെ കൂർത്ത കുഞ്ഞു മുള്ളുകൾ നിറഞ്ഞ കുറ്റി ചെടികൾ…. ആ മുള്ളുകൾ അതിജീവിച്ചു കടന്നുവരാൻ പിരാനാ മീനുകൾക്കും കഴിയില്ലെന്ന് അതുലിനു മനസിലായി…. അതുമായി അവൾ അതുലിനെ പുഴയിലേക്ക് വിളിച്ചു…

പക്ഷേ അടുത്ത് ചെന്ന അതുലിനെ സൂക്ഷ്മമായി നോക്കിയ നിലാ വീണ്ടും കാടിന്റെ ഉള്ളിലേക്ക് കയറി…

പിന്നെ അവൾ തിരിച്ച് വരുന്നത് ഏതോ ചെടിയുടെ ഏതാനും തളിരിലകൾ കൊണ്ടാണ്… അവൾ അത് കയ്യിൽ വച്ചു തിരുമ്മി… ആ ഇലകളിൽ നിന്ന് രൂക്ഷമായ ഒരു ഗന്ധം അവിടെ എങ്ങും പറന്നു….

അവൾ അത് അതുലിന്റെ കഴുത്തിനു നേരെ കൊണ്ട് വന്നു…. എന്ത് ചെടി ആണ് ഇത് എന്ന് അതുൽ സംശയിച്ചു നിൽകുമ്പോൾ അവൾ ആ രൂക്ഷഗന്ധം പരത്തുന്ന ഇലകളിൽ നിന്നുള്ള നീര് അവന്റെ കഴുത്തിൽ അവൾ നേരത്തെ ഏല്പിച്ച മുറിവിൽ നിന്ന് ഒഴുകി ഉണങ്ങിയ പിടിച്ച ചോരയിലേക്ക് ഇറ്റ് വീഴ്ത്തി…..

തീവ്രമായ വേദനയുടെ ഏതാനും നിമിഷങ്ങളിൽ അതുൽ നിൽകുമ്പോൾ നിലാ മുൻപ് കൊണ്ടുവന്ന ചെടിയുടെ ചില്ലകൾ വെള്ളത്തിൽ അടിച്ച് ഓളമുണ്ടാക്കി….

ഏതാനും നിമിഷങ്ങൾക്ക് മാത്രം അതുലിനു നീറ്റൽ അനുഭവപ്പെട്ടു… അപ്പോളേക്കും ആ ഇലകളുടെ കറ മുറിവുകൾക്ക് മുകളിൽ ഉണങ്ങി ഒട്ടി പിടിച്ചു…. എങ്കിലും ആ ഗന്ധം പൂർണമായും മാറിയിട്ടില്ല… മിക്കവാറും രക്തം മൂലം പിരാനകൾ ആകർഷിക്കപ്പെടാതിരിക്കാനുള്ള വഴിയാവും ഇതെന്ന് അതുലിനു തോന്നി…..

അപ്പോളേക്കും നിലാ കൊണ്ടുവന്ന മരത്തിന്റെ ചില്ലകൾ വെള്ളത്തിൽ ഒരു അതിർത്തി പോലെ നിക്ഷേപിച്ച ശേഷം വെള്ളത്തിലേക്ക് ഇറങ്ങി അതുലിനു നേരെ കൈ നീട്ടി…. അവനുള്ള ക്ഷണം ആണത് എന്ന് മനസിലാക്കി അതുലും വെള്ളത്തിലേക്ക് ഇറങ്ങി…

മരവിക്കാൻ മാത്രം തണുപ്പുള്ള വെള്ളത്തിലേക്ക് ആണ് ഇറങ്ങിയത് എങ്കിലും പെട്ടന്ന് തന്നെ തന്നിലേക്ക് ഒരു പോസറ്റീവ് എനർജി കയറുന്നത് പോലെ അതുലിനു അനുഭവപ്പെട്ടു…

അല്പസമയം കൊണ്ട് അവർ അഴുക്ക് കഴുകി കളഞ്ഞു കുളിച്ചു കരക്ക് കയറിയപ്പോൾ അതുലിനു അവളുടെ മുഖത്തേക്ക് നോക്കാതിരിക്കാനായില്ല…. ശരിക്കും താൻ അകപ്പെട്ടിരിക്കുന്ന ദ്വീപിനെക്കുറിച്ചും അതിലെ അപകടങ്ങളും അവൻ മറന്നു… തന്നെ കപ്പലിൽ കാത്തിരിക്കുന്നവരെയും അയാൾ മറന്നു… നിലാ മാത്രമായി അവന്റെ കണ്ണിൽ…

തന്റെ കണ്ണിലേക്കു തന്നെ ഉറ്റു നോക്കി കൊണ്ടിരിക്കുന്ന അതുലിനെ കണ്ട് അവൾ കൗതുകം കൊണ്ട് കണ്ണുകൾ ഉയർത്തി!! എന്തെ എന്ന് ചോദിക്കും പോലെ…. പക്ഷേ അതുലിൽ നിന്നും ഭാവമാറ്റം കാണാതെ ആയപ്പോൾ തന്റെ നനഞ്ഞ വസ്ത്രത്തിലെ വെള്ളം അല്പം കൈയിൽ എടുത്തു അവൾ അവന്റെ മുഖത്തിന്റെ നേരെ തെറിപ്പിച്ചു..,. ആ നിമിഷങ്ങളിൽ നിലാ ശരിക്കുമൊരു മലയാളി പെണ്ണായത് പോലെ…. തന്റെ തുളസിയെ പോലെ….