ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 4 (Pravasi) 1893

അതുൽ അവളുടെ കണ്ണിലേക്കും ആ പഴങ്ങളിലേക്കും മാറി മാറി നോക്കി…. അവളുടെ ചുണ്ടിൽ നിന്നും ആ പഴത്തിന്റെ നീര് ഒലിച്ചു ഇറങ്ങിയതും കാണാൻ ഉണ്ട്….

അവളും കഴിച്ചിട്ടുണ്ട് എന്നത് കൊണ്ട് തന്നെ വിഷമല്ല എന്നുറപ്പ്…. അവൾ കഴിച്ചപ്പോൾ തനിക്ക് വിശക്കും എന്ന് ആലോചിച്ചു കൊണ്ടുവന്നതാണ്… ആ പഴങ്ങൾ കൊണ്ട് വരാനും മാത്രം ദയ അവൾക്ക് തോന്നിയതിനെ ഓർത്ത് അവനു അവളോട് നന്ദി തോന്നി….

അതുൽ അവളെ തന്നെ നോക്കുന്നത് കണ്ടു കൗതുകത്തോടെ തല കുലുക്കികൊണ്ട് അവൾ വീണ്ടും പഴങ്ങൾ അവനു നേരെ നീട്ടി… അവളെ നോക്കി കൊണ്ട് തന്നെ അവനൊരു പഴം എടുത്തു രുചിച്ചു നോക്കി….

നാട്ടിൽ ചെറുപ്പകാലത്ത് അച്ഛൻ വാങ്ങി തന്നിരുന്ന ടോണിക്ക് പോലൊരു രുചി…. എങ്കിലും വിശപ്പ് ഉള്ളത് കൊണ്ട് വളരെയേറെ മധുരമേറിയത് ആണ് അതെന്ന് അവനു തോന്നി…. ഏതാനും പഴങ്ങൾ കൂടി അവൻ കഴിച്ചപ്പോളും അവൾ അവനെ തന്നെ നോക്കി ഇരിക്കുന്നുണ്ട്…. കൊച്ചിന് മുല കൊടുക്കുന്ന അമ്മയുടെ നിർവൃതിയോടെ….

അതുൽ ഒരെണ്ണം അവൾക്ക് നേരെ നീട്ടി…. നേർത്ത പുഞ്ചിരിയോടെ അവൾ അത് നിഷേധിച്ചു…. അതുൽ വീണ്ടും അത് അവളുടെ ചുണ്ടിന് നേരെ നീട്ടി.. പക്ഷേ അതുൽ ഇരിക്കുന്നിടത്ത് നിന്നും കൈ എത്തി നൽകാവുന്നതിലും അകലെ ആയിരുന്നു നിലാ…

അല്പം കുനിഞ്ഞു കൈ എത്തിച്ചു അവൾക്ക് ആ പഴം നൽകാൻ അതുൽ ശ്രമിച്ചു…. പക്ഷേ അത് നൽകും മുൻപ് തന്നെ മരത്തിന്റെ കൊമ്പിൽ നിന്നും അതുൽ വഴുക്കി….

പക്ഷേ എന്തെങ്കിലും അപകടം സംഭവിക്കും മുൻപ് അവളുടെ കൈകളിൽ അതുൽ ഭദ്രമായിരുന്നു….

ഇനിയും അപകടം നേരിടാതിരിക്കാൻ അതുലിനെ അവളോട് ചേർന്നു ഇരുത്തിയതോടെ അതുൽ വീണ്ടും തന്റെ കയ്യിലെ പഴം അവളുടെ ചുണ്ടിലേക്ക് ചേർത്തു….

ഏതാനും നിമിഷത്തേക്ക് നിലാ അവന്റെ കണ്ണുകളിൽ തന്നെ നോക്കി ഇരുന്ന ശേഷമാണ് വാ തുറന്നത്…

പഴങ്ങൾ മുഴുവൻ കഴിഞ്ഞതോടെ അവൾ തന്റെ സോളായ് മരത്തിന്റെ കൊമ്പിൽ ചെറുതായി വീശി അടിച്ചു… പ്രതീക്ഷിച്ചത് പോലെ അത് കൊമ്പിൽ ചുറ്റി പിണഞ്ഞതോടെ അതിന്റെ തുമ്പ് അതുലിന്റെ നേരെ നീട്ടി….

അതിൽ പിടിച്ചു ചാടിയ അതുലിനെ സോളായ് നിലത്തു നിന്നും ഒരു മീറ്റർ മാത്രം ഉയരത്തിലേക്ക് എത്തിച്ച ശേഷം സ്പ്രിംഗ് പോലെ രണ്ട് മീറ്ററോളം മുകളിലേക്ക് പോയി….

അടുത്ത വട്ടം താഴോട്ട് വന്നപ്പോൾ അതുൽ കൈ വിട്ടു നിലത്തേക്ക് ചാടി… ഏതാനും നിമിഷങ്ങൾക്ക് ഉള്ളിൽ നിലാ യും താഴെയെത്തി….

അവൾ അതുലിനെയും കൂട്ടി പുഴയുടെ അടുത്തേക്ക് നീങ്ങി… അവിടെ എത്തിയപ്പോൾ അതുലിനു ചെറിയ ഭയം തോന്നി… പിരാനയുടെ ആക്രമണം ഉണ്ടായാൽ???