ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 4 (Pravasi) 1893

എന്തായാലും കപ്പലിനു അടുത്ത് ചെന്നാൽ അല്ലാതെ അത് മനസിലാക്കാൻ സാധ്യമല്ലെന്ന് അറിയാവുന്നത് കൊണ്ട് അതുൽ നിശബ്ദത പാലിച്ചു….

അപ്പോളും അതുൽ ഇടയ്ക്കിടെ സ്വയം ചൊറിഞ്ഞു കൊണ്ടിരുന്നു… അതു കണ്ട നിലാ അതുൽ മരത്തിന്റെ മുകളിൽ സേഫ് ആണ് എന്ന് ഉറപ്പ് വരുത്തി തന്റെ ‘സോളായ്’ അഴിച്ചെടുത്തു…

അതുലിന്റെ കൈ വിരലുകളിൽ കൈ കോർത്ത ശേഷം അവൾ അവന്റെ വിരലുകൾ ഒരു കാട്ടു വള്ളിയിൽ പിടിപ്പിച്ചു….

അതുൽ ഭദ്രമെന്ന് ഉറപ്പിച്ചു അവൾ കൈ നീട്ടി മരത്തിൽ നിന്ന് ഞങ്ങൾ ഇരിക്കുന്നതിന് അല്പം താഴെ വരെ തൂങ്ങി കിടക്കുന്ന കാട്ടു വള്ളിയിൽ പിടിച്ചു തൂങ്ങിയാടി അടുത്ത മരത്തിലേക്ക് തന്റെ സോളായ് നീട്ടി ചുറ്റി പിടിച്ചു… ആ മരത്തിൽ നിന്നും അടുത്തതിലേക്ക്…. വീണ്ടും.. വീണ്ടും… അങ്ങനെ ഏകദേശം രണ്ട് മിനിറ്റ് കൊണ്ട് അവൾ കുറച്ചു അകലേക്ക് മറഞ്ഞു പോവുന്നത് നിലാവിന്റെ വെളിച്ചത്തിൽ അതുൽ കണ്ടു….

അവൾ ഇനി തിരിച്ചു വരുമോ??? അതോ അവളുടെ കോട്ടയിലേക്ക് തിരിച്ചു പോയോ?? അവളുടെ സ്വന്തം ആൾക്കാരുമായുള്ള വഴക്കു മൊത്തം അവൾ മറന്നോ??? അതോ അവളുടെ വേണ്ടപ്പെട്ട ഓലാ യെ അപകടപെടുത്തിയവരുടെ കൂട്ടത്തിൽ ഒരുവനെ ഞാൻ പിടിച്ചു വച്ചിട്ടുണ്ട് എന്ന് അവൾ അവളുടെ നാട്ടുകാരെ അറിയിക്കുമോ???

ഒരായിരം ചിന്തകൾ മനസ്സിൽ നിറയുന്നു എന്ന് തോന്നിയപ്പോൾ അതുൽ താഴോട്ടു നോക്കി… പത്തു മീറ്റർ എങ്കിലും ഉയരത്തിലാണ് അയാൾ…. എങ്കിലും അധികം ബുദ്ധിമുട്ടാതെ താഴോട്ട് ഇറങ്ങാൻ കഴിഞ്ഞേക്കാം….

പക്ഷേ, ആ ഗുളുവാ എന്ന ജീവി തിരിച്ചു വന്നാൽ രക്ഷപെടാൻ സാധിക്കുമോ??? ഇനി അത് തന്നെ വേണ്ട,,, പിങ്ക് രക്തമുള്ള ജീവി വന്നാലും ഓടി രക്ഷപെടാനോ നേരിടാനോ കഴിയുമോ?? അതും തന്റെ തോക്ക് പോലും പ്രവർത്തനക്ഷമമല്ലാതെ???

അതുൽ ഇനി എന്ത് വേണം എന്ന് ആലോചിച്ച് ഇരിക്കുമ്പോൾ അകലെ നിന്നും മരത്തിൽ ഒരു അനക്കം….

യെസ്… അവൾ തിരിച്ചു വരുന്നതാണ്…. അവൾ പോയപ്പോൾ എന്തോ നഷ്ടപെട്ടത് പോലെ അതുലിനു ഫീൽ ചെയ്തിരുന്നു.. ഇപ്പോൾ ആ ഫീൽ മാറി മനസ്സിൽ വല്ലാത്ത സന്തോഷം നിറയുന്നത് പോലെ അതുലിനു തോന്നി… അവൾ അടുത്ത് എത്താൻ കാത്തിരിക്കുന്ന നിമിഷങ്ങൾ പോലും വളരെ ധൈർഘ്യം ഉള്ളത് പോലെ….

അങ്ങോട്ട് പോയതിലും ഏറെ ടൈം എടുത്തു അവൾ തിരിച്ചു വരാൻ… ക്ഷീണം കൊണ്ടാവാം…. എങ്കിലും അവൾ അവന്റെ അരികിലെത്തി….. നിലാ തന്റെ ഒരു കയ്യിൽ എന്തോ ഇല ചുരുട്ടി പിടിച്ചിട്ടുണ്ട്…..

അതുലിനു നേരെ അവൾ ആ ചുരുട്ടിയ ഇല നിവർത്തി നീട്ടി…. അതിൽ നീല യാണോ കറുപ്പ് ആണോ എന്ന് ആ ഇരുട്ടിൽ മനസിലാവുന്നില്ല, ബ്ലൂ ബെറി പോലെ, പക്ഷേ അതിലും അല്പം വലിപ്പം ഏറിയ പഴങ്ങൾ… അത് അവൾ അവനായി നൽകി…..