ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 4 (Pravasi) 1893

“മുറാഷ്….”

നിലായുടെ ശബ്ദമാണ് അതുലിന്റെ ശ്രദ്ധയെ തിരിച്ചു കൊണ്ട് വന്നത്…. അവൾ ആ ജീവികളെ ചൂണ്ടിയാണ് പറഞ്ഞത്… അതുൽ ആ ജീവികളുടെ പേര് മനസിൽ ഉരുവിട്ടു കൊണ്ട് ഇനിയെന്ത് എന്ന ഭാവത്തിൽ നിലായെ നോക്കി…

അവിടെ സേഫ് ആയി ഇരിക്കാൻ നിർദേശം നൽകി നിലാ ആ മരത്തിന്റെ മുകളിലേക്ക് കയറി തുടങ്ങി…. അല്പം ബുദ്ധിമുട്ടി ആണെങ്കിൽ കൂടി നിലാ ഏറ്റവും മുകളിലെ ചില്ലകളിൽ നിന്നും കൈ എത്തിച്ചു അതിന്റെ ഫലങ്ങൾ പൊട്ടിച്ചു എടുത്തു താഴോട്ടു വന്നു….

അതുലിന്റെ മുൻപിൽ മരക്കൊമ്പിൽ ഇരുന്നുകൊണ്ട് അവൾ തന്റെ കയ്യിൽ കരുതിയ പഴങ്ങളിൽ ഒന്ന് മരത്തിൽ ഇടിച്ചു പൊട്ടിച്ചു… അതിൽ ഒരു ഭാഗമെടുത്തു അതുലിന്റെ ശരീരത്തിലെ പിരാന കടിച്ചത് മൂലം ഉണ്ടായ മുറിവുകളിൽ പിഴിഞ്ഞു ഒഴിച്ചു… അടുത്ത പാതി സ്വന്തം ശരീരത്തിലെ മുറിവുകളിലും…

ഏതാനും നിമിഷത്തേക്ക് വേദന കൊണ്ട് അതുലിനു സംസാരിക്കാൻ പോലും ആയില്ല… എന്തിന് ഇത്രയും വേദന ഉള്ള പഴചാറു പുരട്ടണം മുൻപ് കഴുത്തിൽ പുരട്ടി തന്ന ചെടിയുടെ നീര് പോരേ എന്ന് ചോദിക്കണം. എന്നുണ്ടെങ്കിലും ഭാഷ പ്രശ്നം ആയത് കൊണ്ട് സംസാരിക്കാനാവാതെ അതുൽ അവളുടെ നേരെ നോക്കി….

നിലാ ബാക്കി പഴങ്ങളിൽ നിന്നും ചെറുതും അല്പം നിറ വ്യത്യാസം ഉള്ളതുമായ ഒരെണ്ണം അതുലിനു നേരെ നീട്ടി…

അത് കയ്യിൽ വാങ്ങിയെങ്കിലും ഇനി എന്ത് ചെയ്യണം എന്ന് അറിയാതെ അത് ആലോചിച്ചു നിൽകുന്ന അതുലിനെ പറഞ്ഞു മനസിലാക്കാൻ ബുദ്ധിമുട്ട് ആണെന്ന് ഊഹിച്ചു നിലാ ഓരോ പഴങ്ങൾ ആയി താഴെ മുറാഷ് എന്ന ജീവികൾക്ക് എറിഞ്ഞു കൊടുത്തു…

അതു വരേയ്ക്കും മരത്തിലേക്കു ചാടി കയറാനും ചുറ്റും നിന്ന് മുരളാനും ശ്രമിച്ചു കൊണ്ടിരുന്ന ആ ജീവികൾ അത് കടിച്ചു തിന്നതിന് ശേഷം പതിയെ മരത്തിനു ചുറ്റും ശാന്തരായി വിശ്രമിക്കാൻ തുടങ്ങി.

അതുലിനോടും കഴിച്ച് കൊള്ളാൻ ആംഗ്യം കാണിച്ച ശേഷം നിലാ ബാക്കി ഉള്ള പഴങ്ങളും ഓരോന്ന് ആയി താഴെ ആ ജീവികൾക്ക് നേരെ എറിഞ്ഞു കൊടുത്തു കൊണ്ടിരുന്നു…. ശാന്തരായി അവ അത് കഴിക്കാൻ തുടങ്ങുമ്പോളേക്ക് അതുൽ തന്റെ കയ്യിൽ ഉള്ള പഴം ആദ്യ കടി കടിച്ചു….

അല്പം ചവർപ്പും പുളിപ്പും മധുരവും കലർന്ന പഴം… പക്ഷേ, വളരെ പെട്ടന്ന് അതുലിന്റെ വേദന മൊത്തമായി മാറി…. അതുൽ വീണ്ടും ഒരു കടി കൂടി കടിച്ചു…. ശരീരത്തിന്റെ ക്ഷീണവും മാറുന്നത് പോലെ…

അതുലിനു താൻ മരത്തിന്റെ മുകളിൽ ആണെന്നുള്ള ഫീൽ പോലും മാറും പോലെ… താഴോട്ട് നോക്കിയപ്പോൾ ആ ജീവികൾ മിക്കതും താഴെ മലർന്നു കിടന്നു ഉറക്കമായി കഴിഞ്ഞു….

പതിയെ താൻ കഴിച്ചത് കഞ്ചാവിലും വലിയ ലഹരി ആണെന്ന് മനസിലാകുമ്പോളേക്ക് അവൾ അതുലിന്റെ കയ്യിലെ പഴത്തിന്റെ ബാക്കി കയ്യിൽ വാങ്ങി അതുലിന്റെ ചുണ്ടിനോട് അടുപ്പിച്ചു….