ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 4 (Pravasi) 1893

പോരാത്തതിന്, അവൾ തനിച്ചല്ല, തന്നേക്കാൾ ഇരട്ടി ഭാരമുള്ള അതുലിന്റെ ഭാരം കൂടി ചുമക്കേണ്ടതുമുണ്ട് അവൾക്ക്….

എങ്കിലും എങ്ങനെയും മുറിച്ചു കടക്കാൻ അവൾ തീരുമാനിച്ചു….. ആ പുഴ മുറിച്ചു കടക്കുക എന്നത് അത്രയേറെ ബുദ്ധിമുട്ട് ഏറിയത് ആണെന്ന അർത്ഥത്തിൽ അവൾ അവനെ നോക്കി…

പതിയെ അവൻ തന്റെ മുഖം അവളോട് അടുപ്പിച്ചു… തെല്ലു കൗതുകത്തോടെ ഒരു നിമിഷം അതുലിനെ നോക്കിയ നിലാ യുടെ മുഖവും യാന്ത്രികമായി അവനോട് അടുത്തു….

തൂവൽ സ്പർശം പോലെ മാർദ്ധവമായി ഇരു ചുണ്ടുകളും തമ്മിൽ സ്പർശിച്ചു…. ഇനി മുൻപിൽ ഉള്ളത് വളരെ ദുർഘടം പിടിച്ച പുഴ മുറിച്ചു കടക്കൽ ആണെന്ന് അതുലിനും മനസിലായി.. അത് കൊണ്ട് അയാൾ തങ്ങളെ ഇരുവരെയും ചുറ്റിയ അവളുടെ സോളായ് പിടിച്ചു അഴിച്ചെടുത്തു…

നിലാ കൗതുകത്തോടെ നോക്കി നിൽക്കുമ്പോൾ അതുൽ കാട്ടുവള്ളിയുടെ ചെറിയ ഇഴ പൊട്ടിച്ചെടുത്തു… പക്ഷേ അതുൽ പ്രതീക്ഷിച്ചതിന് വിപരീതമായി നിലാ യുടെ മുഖത്തെ കൗതുകം മാറി അവിടെ വിഷാദഛവി പടരുന്നത് കണ്ടപ്പോൾ അതുലിനും സംശയമായി….

ഒന്ന് ആലോചിച്ച നിലാ അതുൽ പൊട്ടിച്ചെടുത്ത കാട്ടു വള്ളി വാങ്ങി തന്റെ ഇരുന്നു കണ്ണുകളോടും ചേർത്ത ശേഷം എന്തോ മൃദുവായി മന്ത്രിച്ചു… ശേഷം ആ വള്ളിക്കൊണ്ട് അവരെ പരസ്പരം ചേർത്തു കെട്ടി…

ഒന്നോ രണ്ടോ നിമിഷത്തേക്ക് പരസ്പരം നോക്കിയ ശേഷം നിലാ അതുലിനെയും ചേർത്ത് പിടിച്ചു മരത്തിൽ നിന്നും പരമാവധി ശക്തിയിൽ എടുത്തു ചാടി കാട്ടുവള്ളിയിൽ പിടിച്ചു.

പക്ഷേ, ഭാരവും ക്ഷീണവും അവളെ അല്പം ചതിച്ചു എന്ന് തന്നെ പറയേണ്ടി വരും…. അവൾ പ്രതീക്ഷിച്ചതിൽ നിന്നും ഏതാനും ഇഞ്ചുകൾ താഴെ ആണ് പിടുത്തം കിട്ടിയത് എന്ന് മാത്രം അല്ല,, ഭാരം കൊണ്ട് അല്പം കൂടി വഴുതി പോയ്‌… പിടിത്തം ഉറയ്ക്കുന്നത് ഏതാനും ഇഞ്ചുകൂടി താഴെയായി… അങ്ങനെ പ്രതീക്ഷിച്ചതിലും ആകെ ഒരു അടിയോളം താഴെ….

ആ കാട്ടുവള്ളിയുടെ ഏറ്റവും താഴ് ഭാഗത്താണ് പിടുത്തം മുറുകിയത് എന്നത് കൊണ്ട് തന്നെ പൂർണമായും പുഴ മുറിച്ചു കടക്കാനാവും മുൻപ് അവളുടെ കൈ വഴുതി.. പിടുത്തം നഷ്ടമായ ഇരുവരും പുഴയിലേക്ക് തന്നെ വീണു….

മരവിക്കുന്ന തണുപ്പിലേക്ക് അവർ ഇരുവരും മുങ്ങി…. അധികം വൈകിയില്ല… അതുലിന്റെ കാലിൽ എന്തോ കുത്തി മുറിവേല്പിക്കും പോലെ….. ഏതാനും നിമിഷങ്ങൾ കൊണ്ട് അത് പലയിടങ്ങളിലായി….

മരവിപ്പിനൊപ്പം ശരീരം മൊത്തം മുറിയുന്ന വേദന… റാണയുടെ മുഖം ആ നിമിഷം അതുലിന്റെ മനസിലേക്ക് ഓടിയെത്തി….

“പിരാ…. നാ!!!!”

ഒരു അലർച്ചയ്ക്ക് ശ്രമിച്ച അതുലിന്റെ വായിലേക്ക് കൂടി പുഴയിലെ ജലം കയറി….