ഒരു റൈഡർ ഗേൾ അപാരത [ Sudeesh Kailas ] 91

പൂമംഗലത്തു ഭൂമിനാഥൻ , ലോകനാഥൻ , ഗൗരിനാഥൻ , വിഷ്ണുനാഥൻ , ഗോപിനാഥൻ ,  എന്നിങ്ങനെ നാല് ആണ്മക്കൾക്കും ആകെ മൊത്തം പതിനാലു മക്കളാണ് . അതിൽ ഒരേ ഒരു പെണ്തരി . ബാക്കി പതിമൂന്നു ആങ്ങളാർക്കുള്ള ഒരേ ഒരു പെങ്ങൾ … അതോണ്ട് താഴത്തും താളിലും വെക്കാതെ വളർത്തിയതോണ്ടുള്ള ചെറിയ ഒരു കുറുമ്പ് . തല്ലുകൊള്ളിത്തരം ന്നൊക്കെ പറയാം . പക്ഷെ ആള് പൊളി ആണ് . വാശി പിടിച്ചാൽ നടത്തിക്കൊടുക്കാൻ ആളുണ്ടല്ലോ , അതാണ് .

വാശി എന്താന്നല്ലേ . അവൾക്ക് വണ്ടി വേണം പോലും , പുതിയത് വേണ്ടത്രേ .. പഴയത് തന്നെ വേണം ന്ന് … അതും “TSE 4759” എന്ന നമ്പറുള്ള മഞ്ഞ യമഹ RX 100 തന്നെ വേണം ന്ന് . ചീറി പൊളിച്ച് കരഞ്ഞു വിളിച്ച് പട്ടിണി കിടന്നൊക്കെ എരപ്പാക്കിയപ്പോൾ എല്ലാരും കൂടി വാങ്ങിക്കൊടുത്തു …

മൂന്നേകാൽ  ലക്ഷം ഉറുപ്പിക ആയത്രേ … സിനിമേല് ഒക്കെ ഉള്ള വണ്ടി അല്ലെ , ചുളുവിലൊന്നും കിട്ടില്ലല്ലോ . ചോയ്ച്ചപ്പോ  “വാലീല് തല ഓടിച്ച വണ്ട്യല്ലേ ഇത്രക്ക് കിട്ടിയത് ലാഭം ന്ന്  കെര്തിക്കൊളു ന്ന് “

അവളുടെ സമപ്രായത്തിലുള്ള പെൺകുട്ടികൾ സ്‌കൂട്ടി പെപ്പും , ആക്ടീവയും , വിഗോയും അക്സസും ( അന്ന് ഫാസിനോ ഇറങ്ങിയിട്ടില്ല ) പിന്നെ ചുരുക്കം ചിലർ ബുള്ളറ്റും ( പെരിന്തൽമണ്ണയിൽ അന്ന് നാലു പേര് ) ഓടിക്കുമ്പോൾ മമ്മുടെ കൺമണിക്ക് വാശി പിടിച്ച് കിട്ടിയത്  സിൽമേൽ ഉള്ള വണ്ടി ആണ് . വണ്ടി കിട്ടിയതും പിന്നെ ഫുൾ കറക്കം അതുമ്പിലാണ് .. ” ഓ സോനാ ….. ഓ സോനാ … ഓ സോനാ  ഇ ലവ് യു ലവ് യു ഡാ …. ” എന്ന പാട്ടും മൂളിക്കൊണ്ട് ഒരു ഒന്നൊന്നര കറക്കം . വാലി സിനിമയിൽ കാണിച്ച അതുപോലെ തന്നെ വണ്ടി കൊണ്ട് നടക്കുന്നുണ്ട് , സൗണ്ടും ഒക്കെ OG ആണ് . ഇടക്കൊക്കെ RTO യുമായി ചില പിണക്കങ്ങൾ ഒക്കെ ഉണ്ടായെങ്കിലും ഇപ്പോൾ അതിക്കെ പറഞ്ഞു തീർത്തിട്ടുണ്ട് ( ഫൈൻ അടച്ചു അയ്‌നാണ് ) .

.