ഒന്നും ഉരിയാടാതെ 41 [നൗഫു] 6350

ഞാൻ ആഷികിനോട് കാര്യം പറഞ്ഞപ്പോൾ ഉടനെ തന്നെ ഞങ്ങൾ നാല് പേരും ഊട്ടി ലക്ഷ്യമാക്കി പുറപ്പെട്ടു…

.

❤❤❤

“ജാബിറിക്ക.. നിങ്ങൾ പറയുന്നത് എനിക്ക് ചെയ്യാൻ പറ്റില്ല.. ഒന്ന് എന്റെ ഇത്തയാണ്.. മറ്റൊന്ന് ഞാൻ എന്റെ ഇക്കാക്കമാരേക്കാൾ സ്നേഹിക്കുന്ന എന്റെ ബാവുക്കയും..”

“എടി.. പിന്നെ നിന്നെ ഇവനെ കൊണ്ട് എന്തിനാണ് പ്രണയിപ്പിച്ചത് എന്ന നിന്റെ വിചാരം..”

തൊട്ടടുത്തു നിൽക്കുന്ന കാണാൻ ബാവുവിനെ പോലെ തന്നെ ഉള്ള യുവാവിനെ മുന്നിലേക്ക് തള്ളി കൊണ്ട് ജാബിർ ആക്രോശിച്ചു…

ഒരു ചെറു പുഞ്ചിരി ആയിരുന്നു സുറുമിയുടെ മറുപടി…

പ്ടാ.. 

സുറുമിയുടെ ചിരി കണ്ടു ജാബിർ ശക്തമായ ഒരു അടി അടിച്ചു… “ഇളിക്കുന്നോടി…” 

പല്ലിറുമ്മി  കൊണ്ടായിരുന്നു ജാബിറിന്റെ ആക്രോശം.. അവന്റെ ശബ്ദം  ആ റൂമിൽ ഒരു മുരളിച്ച പോലെ മുഴങ്ങി കൊണ്ടിരുന്നു…

ജാബിറിന്റെ അടിയേറ്റ്  ഇരുന്നിരുന്ന കസേരയുമായി  മറിഞ്ഞു വീണപ്പോഴും സുറുമിയുടെ ചുണ്ടിൽ ആ പുഞ്ചിരി നിറഞ്ഞിരുന്നു..

“ജാബിർ.. എന്റെ ബാവുക്ക  ഇതറിഞ്ഞാൽ നിങ്ങൾക്കുള്ള പണി എങ്ങനെ ആയിരിക്കുമെന്ന് അറിയുമോ..” 

വായിൽ നിറഞ്ഞ ചോര തുപ്പി കൊണ്ടായിരുന്നു സുറുമി യുടെ ചോദ്യം…