എൽസ്റ്റിന 2.1 [Hope] 439

“…. അതെയതു തന്നെ നീയെന്നെക്കാണാനാന്നു പറഞ്ഞു വന്നിട്ടളവെടുക്കാൻ പോകാറില്ലേ ആ ജോഷ്മിതന്നെ…..”

 

ആളെ മനസ്സിലാക്കാനും കൂടെയെനിക്കൊരു പണികൂടിയായിക്കോട്ടേയെന്നു വെച്ചാണവനങ്ങനെ മൊഴിഞ്ഞതെന്നു പറഞ്ഞു കഴിഞ്ഞുള്ള അവളുടെ മുഖത്തോട്ടുള്ളയവന്റെ നോട്ടത്തിൽ വ്യക്തമായിരുന്നു….

 

“… അയിന് ജോഷ്മിയെങ്ങനാ നിന്റെ പോക്കറ്റിൽ കേറുന്നേ???….”

 

“…. രണ്ടു രണ്ടര വർഷമുന്നേ അവളെന്നെ പ്രെപ്പോസു ചെയ്തതാ…. പക്ഷെ അന്നെന്റെ മനസിലാകെ ചേച്ചിയല്ലാരുന്നോ അതുകൊണ്ട് ഞാനവളെ നൈസായിട്ടൊഴിവാക്കി…..”

 

അവൻ നിസ്സാരസ്വരത്തിലതു പറഞ്ഞു തീർത്തതും ഞാനെന്റെ അവസാന കിളിയും പോയി നിൽപ്പാരുന്നു….

ഇവിടെയെന്നല്ല കേരളം മുഴുവനുമത്യാവശ്യം പോപ്പുലറായയൊരു കോളേജിലെയൊരു കാലത്തെ യുവാക്കളുടെ യൂണിവേഴ്സൽ ക്രഷായിരുന്നു ഈ ജോഷ്മി….

എന്തിന് അപ്രെ ഐ.ടി.എയിൽ പഠിച്ചോണ്ടിരുന്ന ഞാൻ വരെ വന്നു വായിനോക്കി നിന്നിട്ടുണ്ടെങ്കി അവളുടെയാ ഭംഗിയൊന്നാലോചിച്ചു നോക്കിക്കേ അങ്ങനെയൊരുത്തി ഇവനെയിങ്ങോട്ടു വന്നു പ്രെപ്പോസു ചെയ്തിട്ടുണ്ടെന്നോ ഇമ്പോസിബിൾ….

ചിലപ്പോ എൽസ്റ്റൂവപ്പുറത്തു നിക്കുന്ന കാരണം തള്ളടിച്ചതാരിക്കും….

സ്വയമൊരു നിഗമനത്തിലെത്തിയെന്തോ പറയാൻ വാ തുറന്നതും….

 

“… അപ്പൊ ജോഷ്മി സെറ്റായാ നിങ്ങള് തമ്മിലുള്ള പ്രശനം തീരുമോ???…” ന്നും ചോദിച്ചവളിടക്കു കേറി….

അതിനു ഞാനുമവനും പരസ്പരമൊന്നും നോക്കിയതിനു ശേഷമൊന്നു ചിരിച്ചു…..

 

“… എന്തിനാ ചിരിക്കുന്നേ ആ ചേച്ചിടെ കല്യാണമൊന്നും കഴിഞ്ഞിട്ടില്ലല്ലോലെ???….”

 

“… അവളുടെ കല്യാണോന്നും കഴിഞ്ഞാലുമില്ലേലും മിനിമമൊരു മൂന്നാല് ലൈനേലും കാണും ഉറപ്പായിട്ടും….”

 

ഞാൻ പറഞ്ഞു തീർന്നതും….

“… അവൾക്കു ലൈനോന്നുല്ല പക്ഷെ ഞാനിനി നോക്കിയാലും സെറ്റാവൂല്ലന്നേ അതെനിക്കുറപ്പാ….” എന്നും പറഞ്ഞശ്വിൻ താഴെ ഭൂമിയിലേക്ക് നോക്കി നിന്നു….

 

“… അവൾക്കു ലൈനില്ലേന്നു നിനക്കെങ്ങനെയറിയാം….”