എന്റെ ചട്ടമ്പി കല്യാണി 8

Author : വിച്ചൂസ്

 
തുടരുന്നു….

അവിടെ നിന്നു ഞങ്ങൾ നേരെ വീട്ടിലേക്കു പോയി…. വീട്ടിൽ ചെല്ലുമ്പോൾ അച്ഛന്മാര് രണ്ടു പേരും ഉണ്ടായിരുന്നു… ഞങ്ങള് അകത്തേക്കു കേറി….

“അഹ് വന്നോ കേറി വാ”

“ഇവനെ എവിടെ നിന്നു കിട്ടി..?”

ഞങ്ങളുടെ കൂടെ വെങ്കിയെ കണ്ടിട്ടു ആണ് അച്ഛൻ അങ്ങനെ ചോദിച്ചത്…

“ഇവൻ കാട്ടിൽ കറങ്ങാൻ പോയിട്ട് ഇപ്പോൾ കൈയിൽ കിട്ടിയതേയുള്ളു അച്ഛാ”

അച്ഛൻ വെങ്കിയെ നോക്കിയപ്പോൾ അവൻ അച്ഛനെ നോക്കി ഇളിച്ചു കാണിച്ചു… ഞങ്ങളുടെ അടുത്ത കൂട്ടുകാരൻ ആയത്കൊണ്ട് എല്ലാവർക്കും അറിയാം ഇവനെ…

“മതിയട കുരങ്ങാ ഇളിച്ചത് നിനക്ക് സുഖം ആണോ??”

“സുഖം അച്ഛാ..”

“അമ്മയും അച്ഛനും നാട്ടിൽ ഉണ്ടോ “??

“അഹ് അവര് ഇപ്പോൾ തറവാട്ടിൽ ഉണ്ട് അവിടെ ഉത്സവം… ഞാൻ പോയില്ല…”

“ശെരി ശെരി… പിന്നെ നിങ്ങളെ വിളിപ്പിച്ച കാര്യം പറയാം ”

ഇത് കേട്ടതും വെങ്കി അടുക്കളയിൽ പോകാൻ തിരിഞ്ഞു…

” ഡാ നീ എവിടെ പോകുവാ?? ”

“അല്ല അച്ഛാ വിശക്കുന്നു അമ്മ അടുക്കളയിൽ ഉണ്ടാലോ ഞാൻ കഴിച്ചിട്ടു വരാം. അച്ഛൻ കാര്യം പറഞ്ഞോ എനിക്ക് ഓക്കേ ”

അതും പറഞ്ഞു അവൻ അങ്ങ് പോയി ആശാന് ഭക്ഷണം ഒരു വീക്നെസ് ആണ്.. എന്നാ ഈ കഴിക്കുന്നത് അവന്റെ ദേഹത്തു കാണാൻ ഇല്ല….