എന്റെ കഥ നിന്റെ ജീവിതം 1 [Sachin sachi] 56

ലക്ഷ്മി അവിടെ ഇരുന്നു. നിറഞ്ഞു വന്ന മിഴികൾ ആരും കാണാതെ വേഗം തുടച്ചു. അഞ്ജു എന്ത് പറയണം എന്നറിയാതെ അവളെ നോക്കി.

~~~~~~~~~~~~~~~~~~

പിറ്റേ ദിവസം അവൾ കോളേജിൽ വന്നില്ല. പിന്നീടുള്ള രണ്ടു ദിവസവും അവളെ കണ്ടില്ല. രവി അഞ്ജുവിനോട്‌ കാര്യം തിരക്കി. അവൾക്ക് സുഖമില്ല എന്നു പറഞ്ഞു. പക്ഷേ അത് കള്ളമാണെന്ന് അവന് മനസ്സിലായി. രവി വീണ്ടും അഞ്ജുവിനെ ഒറ്റയ്ക്ക് കണ്ടു.

” സത്യം പറ എന്താ ലക്ഷ്മി വരാത്തത്. ” രവി അഞ്ജുവിനോട് ചോദിച്ചു.

അവൾ ദേഷ്യത്തോടെ അവനെ നോക്കി. ” അത് നീ എന്തിനാ അറിയുന്നേ. ”

” എനിക്ക് അറിയണം പറയെടി. ” രവിയുടെ മുഖത്തും ദേഷ്യം.

അഞ്ജു കുറച്ചു നേരം മൗനമായി നിന്നു. ” നീ കാരണം. ” അഞ്ജു അവന് നേരെ വിരൽ ചൂണ്ടി.

അത് കേട്ട് രവി ഒന്ന് ഞെട്ടി. ” ഞാൻ കാരണമോ. ഞാൻ എന്താ ചെയ്തേ. ‘ രവി സംശയത്തോടെ ചോദിച്ചു.

” നിനക്കറിയില്ലേ… ” അഞ്ജു അവന് നേരെ വീണ്ടും ദേഷ്യപ്പെട്ടു.

രവി അവളെ നോക്കി ചിരിക്കാൻ ശ്രമിച്ചു. ” ശ്യാമിന്റെ കാര്യം ആണെങ്കിൽ. അവൾക്ക് ഇഷ്ടമല്ലെങ്കിൽ അത് പറഞ്ഞാൽ പോരെ. അതിനു ഞാൻ ഒന്നും ചെയ്ല്ലല്ലോ. ” രവി അവളോട്‌ പറഞ്ഞു.

” അത് തന്നെയാ പ്രശ്നം അവൾക്കിഷ്ട്ടം ആണ് പക്ഷേ അത് ശ്യാമിനെ അല്ല. ” അഞ്ജു ഒന്ന് നിർത്തി. അവൾ രവിയെ നോക്കി.

” പിന്നെ.. പറയെടി പിന്നെ ആരെയാ. ” അവൾ മിണ്ടാത്തത് കണ്ട് രവി ദേഷ്യത്തോടെ ചോദിച്ചു.

അഞ്ജു വീണ്ടും അവനെ നോക്കി. ” നീ നിന്നെയാ അവൾക്കിഷ്ട്ടം. ”

അഞ്ജു പറഞ്ഞത് കേട്ട് രവി ഞെട്ടലോടെ പുറകോട്ടു നിന്നു. ” നീ.. നീ എന്ത് തേങ്ങയ പറയുന്നേ. അവൾക്ക് എന്നെ നീ വെറുതെ പറയല്ലേ. ”

അഞ്ജുവിന്റെ കണ്ണ് നിറഞ്ഞു. ” സത്യമാണ്. ഡാ അവൾക്ക് നിന്നെ ഒരുപാട് ഇഷ്ടമാ. അത് നിന്നോട് പറയാൻ ഇരുന്നപ്പോൾ നീ ശ്യാമിന്റെ കാര്യം പറഞ്ഞു. പാവം അവൾ ആകെ തളർന്നുപോയി. ഇനി അവൾ വരില്ലടാ. അവൾ വെറുമൊരു പാവം പെണ്ണാ. നിന്നെ ഒത്തിരി ഇഷ്ട്ടമാ. ” അഞ്ജു നിറഞ്ഞു വന്ന മിഴികൾ തുടച്ചുകൊണ്ട് അവനോട് പറഞ്ഞു.