ഇങ്ങിനെയും ചിലർ [മൗനം കൊണ്ട് മുറിവേറ്റവൾ] 70

ആരും കെട്ടിച്ചില്ല … ചെറുപ്പത്തിലേ അച്ഛൻ  മരിച്ചു…വീട്ടിൽ രണ്ടാമത്തെ ആളായിരുന്നു ആയിരുന്നു …മൂത്തത് ചേച്ചി …ഇളയത് രണ്ടു ആങ്ങളമാർ… വീട്ടു ജോലിക്ക് പോയിട്ട് ചേച്ചിയുടെ കല്യാണം  നടത്തി ….ഒരുപാടൊന്നുമില്ലേലും ആങ്ങളമാർ രണ്ടു പേരെയും ഓരോ കൈത്തൊഴിൽ പഠിപ്പിച്ചു ..അവരുടെ ചിലവിനുള്ളത് കണ്ടെത്താൻ പ്രാപ്തരാക്കി …ഇതിനിടക്ക് ചേച്ചിയുടെ ഭർത്താവ് ഉപേക്ഷിച്ചു ..അവർ കൈക്കുഞ്ഞുമായി വീട്ടിലെത്തി …ആങ്ങള കല്യാണം കഴിച്ചു …എന്നോട് ആരും ചോദിച്ചില്ല “ അംബികേ നിനക്ക് ഒരു ജീവിതം വേണ്ടെന്ന എന്ന്? ഇനിയെങ്കിലും ചേച്ചിക്ക് സ്വന്തം കാര്യം നോക്കിക്കൂടെ എന്ന് ?ആങ്ങളമാരും ചോദിച്ചില്ല ..”

ആഹാ …

ചേച്ചിക്ക് ആരോടേല് ഇഷ്ടമുണ്ടായിരുന്നോ ?

ഉം …

ആരാ ആൾ?? ..അപ്പൊ അയാളെ കല്യാണം കഴിക്കാക്കിയിരുന്നില്ലേ ?

ചിരിയിലൊതുക്കി ഉത്തരം

ഇനി ആലോചിച്ചൂടെ ഒരു കല്യാണം ? അത്ര പ്രായം ഒന്നുല്ലല്ലോ

കന്നിയിൽ 50 വയസ്സ് പൂർത്തിയാകും

അതൊരു വയസ്സല്ല , വേണമെന്ന വെച്ചാൽ ഇനിയും സമയമുണ്ട്

കൊച്ചേ , കൊച്ചിനറിയോ , ഒരു ആലോചന വന്നതാണ് രണ്ടാം കെട്ട്ക്കാരന്റെ …..രണ്ടു കുട്ടികളുമുണ്ട് …നല്ല പൈസക്കാരനാണ് ….

എന്നിട് ന്തുപറ്റി ..ചേച്ചിക്ക് ഇഷ്ടായില്ലേ ?

എന്റെ ഇഷ്ട്ടം ആരും ചോദിച്ചില്ല ….

പിന്നെ …

എനിക്ക് താല്പര്യമില്ലെന്ന് അവർ പറഞ്ഞു

ഓഹ്!

അവർക്ക് ഞാൻ അമ്മയെ പോലാണത്രെ …ആ അമ്മയെ അങ്ങിനെ കാണാൻ പറ്റില്ലാന്ന് …

കൊള്ളാല്ലോ …. ജീവിതം ഒന്നേയുള്ളു ചേച്ചി …ഇപ്പോഴും വൈകിയിട്ടില്ല ..

കൊച്ചെ കൊച്ചിനറിയോ  ആ വീടും , വീടിരിക്കുന്ന മൂന്നു സെന്റ് സ്ഥലവും ഞാൻ ഉറുമ്പു കൂട്ടുംപോലെ കൂട്ടി ഉണ്ടക്കിതാ …ഇപ്പൊ എന്നെക്കാളിഷ്ടം അവർക്ക് അതിനോടാ ….