അവളുടെ ആത്മകഥ (ജ്വാല ) 1368

ബാപ്പായെ മനസ്സില്‍ ധ്യാനിച്ച് ഞാന്‍ആയിരത്തൊന്ന് രാവുകളിലൂടെ കണ്ണോടിച്ചു.
വെളിപാടു വന്നപോലെ ഞാന്‍ പേനയെടുത്ത് എഴുതാന്‍ തുടങ്ങി.

ഞാന്‍ എല്ലാ കാലത്തും കരഞ്ഞിരുന്നു.ആവശ്യത്തിനും,അനാവശ്യത്തിനുംആദ്യമായി കരഞ്ഞത് എന്തിനാണെന്ന് ഓർമയില്ല

ഉമ്മയുടെ വാക്കകളില്‍ ഇങ്ങനെയായിരുന്നു,
നിന്നെ പ്രസവിച്ചു കഴിഞ്ഞപ്പോൾ ഞാന്‍ അസുഖങ്ങൾ മൂലം പരിതാപകരമായ അവസ്ഥയില്‍ ആയിരുന്നു എന്നും മുലയൂട്ടുവാൻ പോലും എനിക്കു കഴിഞ്ഞിരുന്നില്ല
അയല്‍പക്കത്തെ ഖദീജുമ്മയായിരുന്നു
നിന്നെ മുലയൂട്ടിച്ചത്.അവരുടെ മകന്‍
സുധീറിനുപോലും കൊടുക്കാതെ അല്ലെങ്കില്‍ കരഞ്ഞ് അവനെ ഭയപ്പെടുത്തിയിരുന്നു.

പിന്നെയും ഞാൻ പല ഘട്ടങ്ങളിലും കരഞ്ഞിരുന്നു.
പൂമ്പാറ്റയ്ക്കും,കളിക്കോപ്പിനും,
പുത്തനുടുപ്പിനും എല്ലാം…

ബാപ്പ ഒരു പുരോഗമനചിന്താഗതിക്കാരനും സമൂഹത്തിലെ ഉന്നതനുമായ വ്യക്തിയായിരുന്നു.

ആയതിനാലും ചുറ്റുവട്ടത്തെ മറ്റു പെൺകുട്ടികളേക്കാൾ അധികം സ്വാതന്ത്രം തന്നിരുന്നു.

ഞാന്‍ വളരുകായായിരുന്നു,അതിനനുസരിച്ച് എന്റെ സൗന്ദര്യവും.
സുധീര്‍ എന്റെ മനസ്സില്‍ അനുരാഗത്തിന്റെ
ആദ്യത്തെ വിത്തെറിഞ്ഞു,
അത് പൂത്തു തളിര്‍ത്തു പക്ഷെ വിളവെടുക്കാന്‍ കഴിഞ്ഞില്ല.
എത്ര പുരോഗമനവാദിആയാലും
മക്കള്‍ വഴിപിഴയ്ക്കുന്നിടത്ത്എന്ത് ആദര്‍ശം അല്ലേ?

പക്ഷെ ബാപ്പായ്ക്കു തന്റെ തീരുമാനത്തില്‍ ഉറച്ചുനില്‍ക്കാന്‍ കഴിയുന്ന മറുപടി ഉണ്ടായിരുന്നു.
ഖദീജുമ്മായുടെ മുലപ്പാല്‍ കുടിച്ചു വളര്‍ന്ന ഞാനും സുധീറും സഹോദരി, സഹോദരന്‍മാരാണെന്ന്‍ ബാപ്പായുടെ വിശ്വാസം,
അങ്ങനെ എനിക്കു വീണ്ടും കരയുവാന്‍ അവസരം ഉണ്ടായി.

എന്റെ കരച്ചിലുകള്‍ക്കു താല്‍ക്കാലിക വിരാമം ഉണ്ടായി.എന്റെ വിവാഹം നിശ്ചയിച്ചു.
വരന്‍ സമൂഹത്തിലെ ഉന്നതകുലജാതന്‍ അബ്ദുള്ള ഹാജിയുടെമകന്‍ റസാഖ്,

വിവാഹം കഴിഞ്ഞു,വരന്റെ ഗൃഹം എന്നെ ആനന്ദത്താല്‍ വീര്‍പ്പുമുട്ടിച്ചു.

സ്നേഹസമ്പന്നനായ ഭര്‍ത്താവ് പക്ഷെ കിടപ്പുമുറിയിൽ വിരക്തമായ ദിനങ്ങൾ മാത്രം, എന്റെ സന്തോഷത്തിനു വേണ്ടിയോ, അതോ മറ്റാരുടെയോ പ്രേരണമൂലമോ എന്തൊക്കെയോ കാട്ടി കൂട്ടി ശരീരത്തെയും,മനസ്സിനെയും ആനന്ദമയമാക്കാൻ തുനിഞ്ഞത് പോലെ…

മാസങ്ങള്‍ക്കുശേഷം അതും കണ്ടില്ല.
എന്റെ കാണാന്‍ കൊതിച്ച
ഭാഗങ്ങള്‍ കണ്ടുതീര്‍ന്നതിന്റെ വ്യസനമോ…?

ഇപ്പോൾ കരച്ചിൽ വരുന്നില്ല മറിച്ചു നീണ്ട നെടുവീര്‍പ്പുകള്‍ ഇടയ്ക്കിടെ ഉതിര്‍ന്നു വീണുകൊണ്ടിരുന്നു.

ഇതിന്റെ ഇടയില്‍ ഞാന്‍ ഗര്‍ഭിണിയായിരുന്നു.
അങ്ങനെ എനിക്കും ഓമനിക്കാന്‍ ഒരു മകള്‍ ഉണ്ടായി.എന്റെ പ്രശനങ്ങള്‍ ഒരളവുവരെ അവള്‍ മൂലം സാധൂകരിച്ചു.